આજની રેસિપી: મટર ઢોકળાં

મટર ઢોકળાં

સામગ્રી : એક વાટકો રવો, એક કપ વટાણા, એક કપ કોથમીર, આદું-મરચાં, દહીં કે છાશ, ઇનો એક ચમચી, તેલ, મીઠું, વઘાર માટે તેલ, રાઈ, જીરું, તલ, લીમડાનાં પાન, હિંગ

રીત : વટાણા, કોથમીર, આદું-મરચાં બધું મિક્સરમાં ક્રશ કરવું. એને એક બાઉલમાં કાઢી એમાં રવો, મીઠું અને દહીં કે છાશ નાખીને ખીરું તૈયાર કરવું. એને ૧૫ મિનિટ રહેવા દેવું. એક કડાઈમાં પાણી ગરમ કરવા મૂકવું. એમાં તેલ લગાડીને થાળી ગરમ થવા મૂકવી. ખીરામાં ઇનો નાખી હલાવીને ગરમ થાળીમાં ખીરું નાખવું. એને બારથી ૧૫ મિનિટ સ્ટીમ કરવી. પછી ઢોકળાંની થાળી ઉતારી લેવી. તેલ ગરમ કરી રાઈ, જીરું, તલ, લીમડાનાં પાન અને હિંગ નાખીને વઘાર ઢોકળાં પર નાખીને સર્વ કરવું.