આજની રેસિપી: મેવા મખાના ચાટ

મેવા મખાના ચાટ

સામગ્રી : ૧ વાટકી ડ્રાયફ્રૂટ (કાજુ, બદામ, પિસ્તાં, અખરોટ), દોઢ વાટકી મખાના, ઘટ્ટ દહીંમાં મીઠું, જીરું, મરી નાખીને બરાબર હલાવી લેવું. ૧થી ૨ ચમચી ઘી, ખજૂરની ફરાળી ચટણી, કોથમીરની ફરાળી ચટણી.

ડેકોરેશન માટે : કોથમીર, ફરાળી ચેવડો, મેવો.

રીત : ગૅસ ચાલુ કરી તાવડીમાં ૧ ચમચી ઘી ગરમ કરી એમાં મખાના શેકવા. ક્રન્ચી થાય એવા કરવા. એમાં મીઠું, સેંધા તથા મરી પાઉડર નાખી શેકવા. મખાના કાઢીને એમાં થોડું ઘી નાખી ડ્રાયફ્રૂટ શેકી લેવાં.

ચટણી : કોથમીરમાં આદું-મરચાં, લીંબુનો રસ, સેંધા નમક, સાકર, બરફ નાખી ચટણી બનાવી લેવી. ગ્રીન ચટણી તૈયાર. ખજૂર બાફીને એમાં મીઠું (સેંધા નમક), સાકર, લીંબુનો રસ, જીરું, મરીનો મસાલો નાખી ગાળી લેવું, મીઠી ચટણી તૈયાર.

હવે એક બાઉલમાં નીચે ડ્રાયફ્રુટ પાથરવું. એના પર મખાના પાથરવા. દહીંને વલોવી એમાં સાકર એક ચમચી, ચપટી ચાટ મસાલો, જીરુંમ-રીનો મસાલો નાખવો. એને દહીંને મખાના પર પાથરવું. એના પર ગળી-તીખી ચટણી નાખવી. ઉપર કોથમીર તથા મેવો પાથરવા. છેલ્લે ફરાળી ચેવડો નાખીને ઉપયોગમાં લેવું. એકદમ હેલ્ધી ચાટ છે, ટેસ્ટી પણ એટલી જ લાગે છે.

(તમે પણ મોકલી શકો છો રેસિપી : સાથે વાનગીનો ફોટો હોવો જરૂરી. તમારા નામ, ફોટો અને ફોન-નંબર સાથે gujmid@gmail.com પર ઈમેઇલ કરો. સિલેક્ટેડ રેસિપી પ્રકાશિત થશે.)