20 February, 2026 04:26 PM IST | Mumbai | Gujarati Mid-day Correspondent
સાબુદાણાના ચીલા
સામગ્રી: ૧ કપ સાબુદાણા, અડધો કપ મગફળી, પા કપ રાજગરાનો આટો, ૧ ચમચી જીરું, ૨ મરચાં બારીક સમારેલાં, ૨ ચમચી કોથમીર સમારેલી, ૨ ચમચી નારિયેળ છીણેલું, ૧ બટાટો બાફેલું અને છૂંદેલું, પોણો કપ દહીં, ૧ ચમચી મીઠું, ૧ કપ પાણી, શેકવા માટે તેલ.
બનાવવાની રીત: સૌથી પહેલાં એક પૅનમાં ૧ કપ સાબુદાણા અને અડધો કપ મગફળી લો.
મગફળી કરકરી થાય ત્યાં સુધી મધ્યમ તાપ પર શેકો. સંપૂર્ણપણે ઠંડું કરો અને બારીક પાઉડરમાં પીસી લો. સાબુદાણા, મગફળીનો પાઉડર એક મોટા બાઉલમાં નાખો. રાજગરાનો આટો, ચમચી જીરું, મરચાં, કોથમીર અને નારિયેળ ઉમેરો. ઉપરાંત બટેટા, દહીં અને મીઠું ઉમેરો. એક કપ પાણી ઉમેરીને સારી રીતે મિક્સ કરીને બૅટર બનાવો. દસ મિનિટ માટે ઢાંકીને રાખો અથવા સાબુદાણા સારી રીતે પલળી જાય ત્યાં સુધી રાખો. હવે આ બૅટરથી તમે ચીલા અથવા ઇડલી પ્લેટમાં દસ મિનિટ માટે સ્ટીમ કરી શકો છો. દહીં પર શેકેલું જીરું ભભરાવીને અથવા નારિયેળ-મગફળીની ચટણી સાથે પીરસો.
-મંજરી સિદ્ધાર્થ ઉદેશી
