હું જેને લાઇક કરું છું એ મારા ફ્રેન્ડસર્કલને એવરેજ લાગે છે.

ફ્રેન્ડ્સને આ ખબર છે અને બધા મારી ચૉઇસ માટે મને બહુ ચીડવે છે. છોકરો ગુડલુકિંગ પણ છે અને ફૅમિલી પણ આમ તો ડીસન્ટ છે. એમ છતાં મારા સર્કલના છોકરાઓ તો ઠીક, છોકરીઓ પણ કહે છે કે તેં વળી કેવી બબૂચક અને એવરેજ પસંદગી કરી છે?

GMD Logo

કૉલેજના સેકન્ડ યરમાં ભણું છું. આમ તો કરીઅર જ ફર્સ્ટ પ્રાયોરિટી છે, પણ મારી સાથે ભણતા એક હૅન્ડસમ છોકરાને લાઇક કરું છું અને તેની સાથે જ લૉન્ગ ટર્મ રિલેશનશિપની આશા છે. ફ્રેન્ડ્સને આ ખબર છે અને બધા મારી ચૉઇસ માટે મને બહુ ચીડવે છે. છોકરો ગુડલુકિંગ પણ છે અને ફૅમિલી પણ આમ તો ડીસન્ટ છે. એમ છતાં મારા સર્કલના છોકરાઓ તો ઠીક, છોકરીઓ પણ કહે છે કે તેં વળી કેવી બબૂચક અને એવરેજ પસંદગી કરી છે? ઇન ફૅક્ટ, અમે એકલા હોઈએ ત્યારે તે ખૂબ લાઇવલી, બોલકણો અને સરસ સેન્સ ઑફ હ્યુમરવાળો હોય છે, પણ  મારા ગ્રુપ સાથે તે બહુ કૉન્શ્યસ થઈ જાય છે. મારી બહેનપણીઓનું કહેવું છે કે હું પ્રેમમાં છું એટલે મને તેની નબળાઈ નથી દેખાતી. સમજાતું નથી કે મારી ચૉઇસ ગલત છે કે ફ્રેન્ડ્સનો નજરિયો?

 એ વાત સાચી છે કે પ્રેમમાં પડેલી વ્યક્તિને પોતાનું પ્રેમપાત્ર હંમેશાં સર્વગુણસંપન્ન લાગતું હોય છે. કોઈ એની ઊણપ બતાવે તોય એને જોવાની તૈયારી ન હોય. જોકે દરેક ઘટનાને એક જ રીતે ન જોવી જોઈએ. કોઈ તમારા બૉયફ્રેન્ડ કે ટુ બી બૉયફ્રેન્ડ માટે કંઈક કહે અને તમારો એમાંથી કૉન્ફિડન્સ હલવા લાગે એ તે કેવું? આજની જનરેશન પોતાના કરતાં પોતાના ફ્રેન્ડસર્કલના ઓપિનિયનને વધુ મહત્ત્વ આપતી થઈ ગઈ છે અને એટલે જ પોતાની સ્વતંત્ર બુદ્ધિશક્તિથી સાચું શું અને ખોટું શું એ નક્કી નથી કરી શકતી. તમારી એજ મુજબ તમને તમારા અંદરના અવાજને બદલે ફ્રેન્ડ્સની કમેન્ટ્સ વધુ મહત્ત્વની તો નથી લાગતીને? 
હું જરાય નથી કહેતી કે તમારાં ફ્રેન્ડ્સ ખોટું જ કહેતા હશે. બીજી તરફ તમારી ચૉઇસ પણ ખોટી છે એવું કન્ક્લુઝન તો કાઢી શકું એટલી માહિતી મારી પાસે નથી જ. તમે જો પ્રેમની આંધળી પટ્ટી બદલીને જોવાની તૈયારી દાખવી શકતા હો તો એક લિટમસ ટેસ્ટ જાતે જ કરવી જોઈએ.
હજી તમે ભણી રહ્યા છો ત્યારે તમારે આ સંબંધને આગળ વધારવાની ઉતાવળમાં પડવું ન જોઈએ. લોકો કે ફ્રેન્ડ્સ શું માને છે એના કરતાં તમારી પોતાની સ્વતંત્ર વિવેકબુદ્ધિ શું કહે છે એ સમજવા માટે જાતને સમય આપવો જોઈએ.