દીપડો પકડાઈ ગયો, જૂનાગઢનો ઉપરકોટનો કિલ્લો સહેલાણીઓ માટે ફરી ખુલ્લો મુકાયો

જન્માષ્ટમી પર્વે સહેલાણીઓ ઊમટ્યા કિલ્લા પર, દીપડાને પકડવા મુકાયાં હતાં પાંજરાં, પાંચ જેટલાં પાંજરાં મૂકવામાં આવ્યાં હતાં. એ ઉપરાંત ટ્રૅપ, કૅમેરા અને ડ્રૉનની મદદથી દીપડાની શોધખોળ આદરી હતી. ટ્રૅકરો તેમ જ વેટરિનરી ટીમ તહેનાત હતી.

દીપડો પકડાઈ ગયો, જૂનાગઢનો ઉપરકોટનો કિલ્લો સહેલાણીઓ માટે ફરી ખુલ્લો મુકાયો

સૌરાષ્ટ્રના યાત્રાધામ જૂનાગઢમાં આવેલા ઐતિહાસિક ઉપરકોટના કિલ્લામાં ઘૂસી ગયેલો દીપડો આખરે પાંજરે પુરાતાં ગઈ કાલે જન્માષ્ટમીના દિવસથી સહેલાણીઓ માટે કિલ્લો ખુલ્લો મુકાયો હતો.
રવિવારે સાંજે ઉપરકોટના કિલ્લામાં દીપડો હોવાની આશંકા હતી જેથી ટૂરિસ્ટોની સેફ્ટીને લઈને કિલ્લો ખાલી કરાવીને બંધ કરી દીધો હતો. પહેલી બે રાતે દીપડાની મૂવમેન્ટ ક્લોઝ્ડ સર્કિટ ટેલિવિઝન (CCTV)ના કૅમેરામાં દેખાઈ હતી. ફૉરેસ્ટ વિભાગ દીપડાને પકડવા માટે સતત કામગીરી કરી રહ્યું હતું. પાંચ જેટલાં પાંજરાં મૂકવામાં આવ્યાં હતાં. અે ઉપરાંત ટ્રૅપ, કૅમેરા અને ડ્રૉનની મદદથી દીપડાની શોધખોળ આદરી હતી. ટ્રૅકરો તેમ જ વેટરિનરી ટીમ તહેનાત હતી. આખરે ફૉરેસ્ટ વિભાગને દીપડાને પકડવામાં સફળતા મળી હતી અને દીપડો પાંજરામાં પુરાઈ ગયો હતો જેના કારણે કિલ્લો સેફ થતાં સહેલાણીઓ માટે ફરી પાછો ખોલવામાં આવ્યો છે. ગઈ કાલે જન્માષ્ટમીની રજા હોવાથી સહેલાણીઓ ઉપરકોટ કિલ્લા પર ફરવા ઊમટ્યા હતા.