ભારતે રશિયા પાસેથી તેલ ખરીદવાનું ઘટાડી દીધું, ચીને ઉઠાવી લીધો ફાયદો

રશિયા અને ઈરાન પાસેથી સસ્તા ભાવે ક્રૂડ ઑઇલ ખરીદીને ચીને પોતાના ભંડાર ભરવાનું શરૂ કરી દીધું

પ્રતીકાત્મક તસવીર

બ્લૂમબર્ગના રિપોર્ટ મુજબ જાન્યુઆરી મહિનામાં ભારતે રશિયા પાસેથી તેલ ખરીદવામાં ૪૦ ટકાનો ઘટાડો થયો છે. ઈરાન પાસેથી તેલની ખરીદી ભારતે ઘણા વખત પહેલાં જ ઘટાડી નાખી હતી. આ પરિસ્થિતિમાં બન્ને દેશો માટે ચીન જ એક મોટો ખરીદદાર બચ્યો છે અને એનો ફુલ ફાયદો ચીન ઉઠાવી રહ્યું છે. અમેરિકા સાથે ટ્રેડ-ડીલ કરવા માટે થઈને ભારતે રશિયા અને ઈરાન પાસેથી તેલની ખરીદી ઘટાડી હોવાથી બન્ને દેશોએ ચીનને ખૂબ જ ડિસ્કાઉન્ટેડ પ્રાઇસમાં કાચું તેલ આપવાની ઑફર કરી છે. બ્લૂમબર્ગના રિપોર્ટ મુજબ રશિયાએ ચીનને હવે ૧૨ ડૉલર પ્રતિ બૅરલ જેવા સસ્તા ભાવે તેલ વેચવાનું નક્કી કર્યું છે. ગયા મહિના કરતાં આ ભાવ ખૂબ જ ડિસ્કાઉન્ટેડ છે. ઈરાનનું લાઇટ ક્રૂડ ઑઇલ ૧૧ ડૉલરના ભાવે વેચાઈ રહ્યું છે. હવે પરિસ્થિતિ એ થઈ છે કે ચીને ક્રૂડ ઑઇલનો સંગ્રહ કરવાનું શરૂ કરી દીધું છે અને હવે એની પાસે સ્ટોરેજ કરવાનું પણ મુશ્કેલ થઈ ગયું છે. ચીનમાં રશિયા તરફથી દર રોજ બે મિલ્યન બૅરલ ઑઇલ આયાત થાય છે. ફેબ્રુઆરી મહિનાના પહેલા ૧૮ દિવસના આ આંકડા છે. ડિસેમ્બર મહિનાની સરખામણીએ આ આંકડામાં પચાસ ટકા જેટલો વધારો થયો છે.