`ભારતના ટુકડા થશે...` બાંગ્લાદેશના ભૂતપૂર્વ આર્મી જનરલે ભારત વિરુદ્ધ ઝેર ઓક્યું

Controversial Statement From Bangladeshi Army Chief: ભારત અને બાંગ્લાદેશ વચ્ચેના તણાવપૂર્ણ સંબંધો વચ્ચે, પાડોશી દેશના એક ભૂતપૂર્વ આર્મી જનરલે તાજેતરમાં ભારત વિરુદ્ધ ઝેર ઓક્યું હતું. નિવૃત્ત બાંગ્લાદેશ આર્મી જનરલે કહ્યું હતું કે...

બ્રિગેડિયર જનરલ (નિવૃત્ત) અબ્દુલ્લાહી અમાન આઝમી (તસવીર સૌજન્ય: સોશિયલ મીડિયા)

ભારત અને બાંગ્લાદેશ વચ્ચેના તણાવપૂર્ણ સંબંધો વચ્ચે, પાડોશી દેશના એક ભૂતપૂર્વ આર્મી જનરલે તાજેતરમાં ભારત વિરુદ્ધ ઝેર ઓક્યું હતું. નિવૃત્ત બાંગ્લાદેશ આર્મી જનરલે કહ્યું હતું કે જ્યાં સુધી ભારતનું વિભાજન ન થાય ત્યાં સુધી બાંગ્લાદેશમાં સંપૂર્ણ શાંતિ પ્રાપ્ત થશે નહીં. બ્રિગેડિયર જનરલ (નિવૃત્ત) અબ્દુલ્લાહી અમાન આઝમીએ તાજેતરમાં એક ઓનલાઈન પ્લેટફોર્મ પર ચર્ચા દરમિયાન આ ટિપ્પણીઓ કરી હતી. નોંધનીય છે કે અબ્દુલ્લાહી અમાન આઝમી જમાત-એ-ઈસ્લામીના ભૂતપૂર્વ વડા ગુલામ આઝમના પુત્ર છે.

અહેવાલ મુજબ, અમન આઝમીએ ઢાકામાં નેશનલ પ્રેસ ક્લબ ખાતે એક કાર્યક્રમ દરમિયાન કહ્યું હતું કે, "ભારતનું વિભાજન ન થાય ત્યાં સુધી બાંગ્લાદેશમાં સંપૂર્ણ શાંતિ થશે નહીં." આઝમીએ દાવો કર્યો હતો કે ભારત બાંગ્લાદેશમાં સતત અશાંતિ પેદા કરે છે. આઝમીએ અગાઉ અનેક વખત ભારત વિરુદ્ધ ભડકાઉ નિવેદનો આપ્યા છે. તેમણે ભારત વિરુદ્ધ અપમાનજનક ટિપ્પણીઓ કરવા માટે વારંવાર સોશિયલ મીડિયા પ્લેટફોર્મનો ઉપયોગ કર્યો છે.

આ વખતે, ભારત વિરુદ્ધના તેમના વક્તવ્ય દરમિયાન, તેમણે ભારત પર ૧૯૭૫ થી ૧૯૯૬ દરમિયાન ચિત્તાગોંગ હિલ ટ્રેક્ટ્સ ક્ષેત્રમાં અશાંતિ ભડકાવવાનો આરોપ પણ લગાવ્યો. ભૂતપૂર્વ અધિકારીએ દાવો કર્યો હતો કે, "શેખ મુજીબુર રહેમાનની સરકાર દરમિયાન, ચિત્તાગોંગ પીપલ્સ સંહતી સમિતિ (PCJSS) ની રચના કરવામાં આવી હતી. તેની સશસ્ત્ર પાંખ શાંતિ બહિની હતી. ભારતે તેમને આશ્રય, શસ્ત્રો અને તાલીમ આપી હતી, જેના કારણે ૧૯૭૫ થી ૧૯૯૬ દરમિયાન પહાડીઓમાં રક્તપાત થયો હતો."

આ એ જ આઝમ છે જેમના પિતા ગુલામ આઝમ જમાત-એ-ઇસ્લામીના વડા હતા. ગુલામ આઝમ પર 1971ના યુદ્ધ દરમિયાન હિન્દુઓ અને સ્વતંત્રતા સમર્થક બંગાળીઓ સામે નરસંહારનો આરોપ છે.

સમય અંગે પ્રશ્નો
આઝમીની ટિપ્પણી એવા સમયે આવી છે જ્યારે બાંગ્લાદેશમાં શેખ હસીનાની સરકારના પતન બાદ બંને દેશો વચ્ચેના સંબંધો તણાવપૂર્ણ છે. ઇસ્લામિક કટ્ટરવાદ હાલમાં બાંગ્લાદેશમાં વિનાશ મચાવી રહ્યો છે. વચગાળાની સરકારના વડા મુહમ્મદ યુનુસ, તેમની સામે પગલાં લેવાને બદલે, ચૂપચાપ તમાશો જોઈ રહ્યા છે.

બંગલાદેશના ભૂતપૂર્વ વડાં પ્રધાન શેખ હસીનાને પૂર્વાંચલના એક પ્રોજેક્ટ માટે જમીન ફાળવણીના કેસમાં ઢાકાની વિશેષ અદાલતે દોષી ઠેરવ્યાં હતાં. બંગલાદેશના ઍન્ટિ-કરપ્શન કમિશને આ વર્ષે જાન્યુઆરી મહિનામાં ભ્રષ્ટાચારને લગતા છ કેસ શેખ હસીના અને તેમના પરિવારના સદસ્યો પર ઠોક્યા હતા. આમાંથી ત્રણ કેસની સુનાવણી ગયા અઠવાડિયે થઈ હતી જેમાં દરેકમાં તેમને ૭-૭ વર્ષની સજા એટલે કે કુલ ૨૧ વર્ષની કેદ સંભળાવવામાં આવી હતી. ગઈ કાલે સોમવારે જમીન-ફાળવણીમાં ભ્રષ્ટાચારના મામલે શેખ હસીનાને પાંચ વર્ષની જેલ સંભળાવવામાં આવી હતી. આ સાથે તેમનાં નાનાં બહેન શેખ રેહાનાને ૭ વર્ષની અને તેમની ભાણેજ (જે બ્રિટનનાં સંસદસભ્ય રહી ચૂકેલાં છે એ) ટ્યુલિપ રિઝવાના સિદ્દીકને બે વર્ષની જેલની સજા સંભળાવવામાં આવી છે.