ઇમરાન ખાન પર પાકિસ્તાન છોડવાનું દબાણ કરી રહી છે શાહબાઝ સરકાર

પાકિસ્તાનના ભૂતપૂર્વ વડા પ્રધાન ઇમરાન ખાન જેલમાં છે અને તેમને છેલ્લા એક વર્ષથી કોઈને મળવા દેવાયા નથી

ઈમરાન ખાનની ફાઇલ તસવીર

પાકિસ્તાનના ભૂતપૂર્વ વડા પ્રધાન ઇમરાન ખાન જેલમાં છે અને તેમને છેલ્લા એક વર્ષથી કોઈને મળવા દેવાયા નથી. જેલમાં તેમની સાથે ખૂબ અત્યાચાર થતો હોવાના દાવો પણ થઈ રહ્યા છે ત્યારે ઇમરાન ખાનની પાકિસ્તાની તહરીક-એ-ઇન્સાફ પાર્ટીના એક મોટા નેતા ખુર્રમ ઝીશાને દાવો કર્યો છે કે ‘પાકિસ્તાનની સરકાર ઇમરાન ખાન સરકાર સાથે ડીલ કરવામાં લાગી છે. તેમને દેશ છોડીને જતા રહેવા માટે દબાણ થઈ રહ્યું છે. જોકે તેઓ પાકિસ્તાન છોડીને જવાનું કદી પસંદ નહીં કરે. આવું જ દબાણ રહ્યું તો અમારી પાસે આંદોલન કરવા સિવાય કોઈ વિકલ્પ નથી.’