26 April, 2026 07:12 AM IST | Ahmedabad | Gujarati Mid-day Correspondent
પ્રતીકાત્મક તસવીર
ગઈ કાલે તોબા પોકારી જવાય એવી કાળઝાળ ગરમીમાં ગુજરાત રીતસરનું શેકાઈ ગયું હતું. ૪૪.૪ ડિગ્રી સાથે સુરેન્દ્રનગર ગુજરાતનું સૌથી હૉટેસ્ટ સિટી બની ગયું હતું એટલું જ નહીં, ગુજરાતમાં સ્થાનિક સ્વરાજયની ચૂંટણી માટે આજે મતદાનનો દિવસ છે ત્યારે ગુજરાતમાં ગરમીનો પારો ઊંચે જશે અને અમદાવાદમાં તો ગરમીનો પારો ૪૪ ડિગ્રીએ પહોંચવાની આગાહી હવામાન વિભાગે કરી છે.
ગઈ કાલે ૬ શહેરોમાં ગરમીનો પારો ૪૩ ડિગ્રી ઉપર પહોંચી ગયો હતો, જ્યારે ૧૨ શહેરોમાં ગરમીનો પારો ૪૦ ડિગ્રીને પાર ગયો હતો. ગઈ કાલે અમદાવાદમાં ૪૩.૮ ડિગ્રી, અમરેલીમાં ૪૩.૭, ભુજ અને રાજકોટમાં ૪૩.૩ તેમ જ ગાંધીનગરમાં ૪૩.૨, વડોદરામાં ૪૨.૫, ડીસામાં ૪૨.૪, વલ્લભવિદ્યાનગરમાં ૪૧.૯, ભાવનગરમાં ૪૧.૭, કેશોદમાં ૪૧.૩, સુરતમાં ૪૧.૨ અને કંડલામાં ૪૦.૬ ડિગ્રી તાપમાન નોંધાયું હતું.
