બાબા સિદ્દીક મર્ડર કેસની ચાર્જશીટમાં લૉરેન્સ બિશ્નોઈનું વોન્ટેડ તરીકે નામ નહીં, જુઓ રિપોર્ટ

Baba Siddique Murder Case: પોલીસનું માનવું છે કે તેઓએ ગુનાના આયોજન અને અંજામ આપવામાં મહત્ત્વની ભૂમિકા ભજવી હતી. જો કે, લૉરેન્સ બિશ્નોઈનું નામ ચાર્જશીટમાં સીધું દર્શાવવામાં આવ્યું નથી, અને તેને વોન્ટેડ શંકાસ્પદ તરીકે સૂચિબદ્ધ કરવામાં આવ્યો નથી.

લૉરેન્સ બિશ્નોઈ અને બાબા સિદ્દીકી (ફાઇલ તસવીર)

બાન્દ્રામાં એનસીપીના મોટા નેતા બાબા સિદ્દીકીની (Baba Siddique Murder Case) હત્યાનો કેસ હજી સુધી ઉકેલાયો નથી. આ હત્યામાં લૉરેન્સ બિશ્નોઈ ગૅન્ગનું નામ જોડવામાં આવી રહ્યું છે તેમ જ તેના લીડર જે હાલમાં જેલમાં બંધ છે તે આ હત્યા પાછળ હોવાના પણ અનેક આરોપો હતા. આ બધી તપાસ વચ્ચે મુંબઈ ક્રાઇમ બ્રાન્ચે કોર્ટ સમક્ષ ચાર્જશીટ રજૂ કરી છે, જોકે તેમાં લૉરેન્સ બિશ્નોઈનું નામ ન હોવાનો ખુલાસો થયો છે. મુંબઈ ક્રાઈમ બ્રાન્ચે મહારાષ્ટ્ર કંટ્રોલ ઑફ ઓર્ગેનાઈઝ્ડ ક્રાઈમ એક્ટ (MCOCA) કોર્ટ સમક્ષ 4,500 પાનાની વ્યાપક ચાર્જશીટ રજૂ કરી છે, જેમાં ઉદ્યોગપતિ બાબા સિદ્દીકીની હાઈ-પ્રોફાઈલ હત્યામાં 26 વ્યક્તિઓની સંડોવણીની વિગતો છે. શુક્રવારે દાખલ કરવામાં આવેલી ચાર્જશીટમાં 175 સાક્ષીઓની જુબાનીનો સમાવેશ થાય છે અને સિદ્દીકીની હત્યા પાછળના સંગઠિત અપરાધ પર પ્રકાશ પાડે છે.

મુંબઈ ક્રાઈમ બ્રાન્ચની તપાસ મુજબ, મુંબઈના (Baba Siddique Murder Case) ગુનાહિત અંડરવર્લ્ડમાં પોતાનું વર્ચસ્વ જમાવવા માટે બિશ્નોઈ ગૅન્ગ આ હત્યા માટે જવાબદાર હોવાનું કહેવાય છે. બૉલિવૂડ અભિનેતા સલમાન ખાનને સંદેશો મોકલવાના ઈરાદે આ ગુનો આચરવામાં આવ્યો હોવાનું કહેવાય છે. આ કેસમાં મુખ્ય આરોપી અનમોલ બિશ્નોઈ, કુખ્યાત ગૅન્ગસ્ટર લૉરેન્સ બિશ્નોઈનો ભાઈ અને અન્ય બે વ્યક્તિઓ - શુભમ લોન્કર અને ઝીશાન અખ્તર છે. લોન્કર સાથે અનમોલ અને અખ્તર બન્નેને હત્યાના સંબંધમાં વોન્ટેડ ગુનેગાર તરીકે નામ આપવામાં આવ્યા છે. પોલીસનું માનવું છે કે તેઓએ ગુનાના આયોજન અને અંજામ આપવામાં મહત્ત્વની ભૂમિકા ભજવી હતી. જો કે, લૉરેન્સ બિશ્નોઈનું નામ ચાર્જશીટમાં સીધું દર્શાવવામાં આવ્યું નથી, અને તેને વોન્ટેડ શંકાસ્પદ તરીકે સૂચિબદ્ધ કરવામાં આવ્યો નથી, જો કે તે આ કેસ સાથે પરોક્ષ રીતે સંબંધ ધરાવતો હોવાનું કહેવાય છે.

આ હત્યા કેસમાં અનેક લોકોની ધરપકડ કરવામાં આવી હતી જેમાં, અકોલામાંથી ગુજરાતના (Baba Siddique Murder Case) એક રહેવાસીની ધરપકડ પણ થઈ હતી. અત્યારસુધીમાં નેશનલ કૉંગ્રેસ પાર્ટીના નેતા બાબા સિદ્દીકીની હત્યા કેસમાં આરોપીઓની સંખ્યા 25 થઈ ગઈ હતી. તેમ જ બાબા સિદ્દીકીની હત્યા લૉરેન્સ બિશ્નોઈ ગૅન્ગ દ્વારા કરવામાં આવી હોવાનું અને એમાં લૉરેન્સના ભાઈ અનમોલ બિશ્નોઈનું નામ પણ બહાર આવ્યું છે. યુનાઇટેડ સ્ટેટ્સ (US)ના કૅલિફૉર્નિયામાં અનમોલ બિશ્નોઈની ધરપકડ કરવામાં આવી હતી અને હાલ તે ત્યાંની પોલીસ-કસ્ટડીમાં છે. થોડા સમય પહેલાં તેની સામે વૉરન્ટ ઇશ્યુ કરવામાં આવ્યું હતું અને એ પછી હવે તેની ધરપકડ કરવામાં આવી હતી. મુંબઈ પોલીસ દ્વારા ભારત સરકારને હવે તેને પ્રત્યર્પણ સંધિ હેઠળ ભારત પાછો લાવવાની પ્રક્રિયા ચાલુ છે. જોકે મુંબઈ પોલીસ કે દિલ્હી પોલીસ દ્વારા આ સમાચારને સમર્થન આપવામાં આવ્યું નથી તેમ જ ખંડન પણ કરવામાં આવ્યું નથી અને કોઈ સત્તાવાર જાહેરાત પણ કરવામાં આવી નથી.