✕

ભારત ડાયમન્ડ બુર્સને મેટ્રો કૉરિડોર સાથે જોડતા બ્રિજ માટે કનેક્ટિવિટી ચાર્જમાં છૂટ મળે એવી શક્યતા

18 November, 2026 10:35 AM IST  |  Mumbai | Gujarati Mid-day Correspondent

MMRDAએ ૧૦ કરોડ રૂપિયાના કનેક્ટિવિટી ચાર્જ માફ કરવાની સૈદ્ધાંતિક મંજૂરી આપી

ફુટઓવર બ્રિજ

મુંબઈ મેટ્રોપૉલિટન રીજન ડેવલપમેન્ટ ઑથોરિટી (MMRDA)એ બાંદરા-કુર્લા કૉમ્પ્લેક્સ (BKC)માં ભારત ડાયમન્ડ બુર્સ (BDB)ને આગામી મેટ્રો 2B સ્ટેશન સાથે જોડતા પ્રસ્તાવિત ફુટઓવર બ્રિજ માટે ૧૦ કરોડ રૂપિયાના કનેક્ટિવિટી ચાર્જ માફ કરવાની સૈદ્ધાંતિક મંજૂરી આપી છે. આ સ્ટેશન એલિવેટેડ DN નગર-મંડાળે કૉરિડોર પર છે જે BKC થઈને જાય છે. માફી વિશે અંતિમ નિર્ણય સહિત જરૂરી મંજૂરીઓ મેળવ્યા પછી BDB આ પ્રોજેક્ટ હાથ ધરશે. આ ફુટઓવર બ્રિજ કર્મચારીઓ, વેપારીઓ અને ત્યાં દરરોજ મુસાફરી કરતા મુલાકાતીઓને સરળતાથી કનેક્ટિવિટી આપશે. BDB અસોસિએશનના એક સભ્યએ જણાવ્યું હતું કે એનાથી મેટ્રો મુસાફરો અને બુર્સ બન્નેને ફાયદો થશે. આ વિસ્તારમાં મેટ્રો ઇન્ફ્રાસ્ટ્રક્ચર હજી બાંધકામ હેઠળ છે ત્યારે દરખાસ્ત સ્વીકારવા માટે કોઈ ઉતાવળ નથી. અસોસિએશનને અપેક્ષા છે કે આ પુલ લિન્ક ખુલ્યા પછી મુસાફરો માટે BDB અને મેટ્રો સ્ટેશન વચ્ચે મુસાફરી કરવાનું સરળ બનાવશે.

mumbai metro mumbai metropolitan region development authority bandra kurla complex bharat diamond burse mumbai news mumbai