થાણે મહાનગરપાલિકામાં BJP અને શિવસેના વચ્ચે જામી પડી

આ બધી ધમાલ ચાલુ હતી અને અચાનક જ રાષ્ટ્રગીત ચાલુ કરી દેવામાં આવ્યું હ

થોડી જ મિનિટોમાં કરોડો રૂપિયાના પ્રસ્તાવ પાસ કરી દેવામાં આવતાં BJPના નગરસેવકો આક્રમક થયા હતા.

રાજ્ય સરકારમાં મહાયુતિના સાથી પક્ષ ભારતીય જનતા પાર્ટી (BJP) અને શિવસેના થાણે મ્યુનિસિપલ કૉર્પોરેશન (TMC)માં સામસામે છે. શિવસેના સત્તા પર છે, જ્યારે BJP વિરોધ પક્ષમાં છે. ગઈ કાલે BJPના નગરસેવકોએ સત્તાધારી શિવસેનાએ સેંકડો કરોડ રૂપિયાનાં ૨૫૦ જેટલાં કામને કેટલીક જ મિ​િનટોમાં મંજૂરી આપી હોવાનો આરોપ કર્યો હતો. સભાગૃહમાં માહિતી ન આપતાં જ પ્રસ્તાવ મંજૂર થઈ જતાં BJPના નગરસેવકો આક્રમક થઈ ગયા હતા. તેમણે એ પ્રસ્તાવને મંજૂરીની વિરુદ્ધ પોડિયમ પર ચડી એનો વિરોધ દર્શાવીને નારાબાજી કરી હતી. 

આ બધી ધમાલ ચાલુ હતી અને અચાનક જ રાષ્ટ્રગીત ચાલુ કરી દેવામાં આવ્યું હતું. એથી ફરી વિવાદ થયો હતો. રાષ્ટ્રગીતનું અપમાન કરવામાં આવ્યું હોવાનો આરોપ કરીને ફરી BJPના નગરસેવકોએ સભાગૃહમાં ધમાલ મચાવી હતી. એ પછી BJPના નગરસેવકોએ નૌપાડા પોલીસ-સ્ટેશન પર મોરચો કાઢીને આ સંદર્ભે સંબંધિતો પર કાર્યવાહી કરવામાં આવે એવી માગણી કરી હતી.jan