સ્ટિંગ ઑપરેશન માટે BJPના કાર્યકરના ઘરમાં ઘૂસેલા શિંદેસેનાના નીલેશ રાણે સામે FIR

આ ફરિયાદમાં BJPના કાર્યકર વિજય કેનવડેકરના ઘરમાં ઘૂસણખોરી કરવાનો આરોપ નીલેશ રાણે પર મૂકવામાં આવ્યો છે

નીલેશ રાણે

મહારાષ્ટ્રના સિંધુદુર્ગમાં ગયા બુધવારે શિવસેનાના નીલેશ રાણેએ ભારતીય જનતા પાર્ટી (BJP)ના એક કાર્યકરના ઘરમાં જઈને કથિત સ્ટિંગ ઑપરેશન કર્યું હતું અને એવો આરોપ મૂક્યો હતો કે સ્થાનિક સ્વરાજ સંસ્થાની ચૂંટણીઓ માટે મતદારોમાં રોકડા પૈસા વહેંચવા માટે આ ઘરમાં રોકડા ભરેલી થેલીઓ છે. નીલેશ રાણે સામે આ સ્ટિંગ ઑપરેશન બદલ ફર્સ્ટ ઇન્ફર્મેશન રિપોર્ટ (FIR) નોંધવામાં આવ્યો છે. માલવણ પોલીસ-સ્ટેશનમાં શુક્રવારે નોંધવામાં આવેલી આ ફરિયાદમાં BJPના કાર્યકર વિજય કેનવડેકરના ઘરમાં ઘૂસણખોરી કરવાનો આરોપ નીલેશ રાણે પર મૂકવામાં આવ્યો છે. પોલીસ-અધિકારીએ જણાવ્યું હતું કે આ કેસની વધુ તપાસ ચાલી રહી છે.