બોઇસરની કાર્પેટ બનાવતી ફૅક્ટરીનું ગોડાઉન આગમાં ખાખ

અઢી કલાકની ભારે જહેમત બાદ આગ પર કાબૂ મેળવી શકાયો હતો

ઘટનાસ્થળ

બોઇસરના મહારાષ્ટ્ર ઇન્ડસ્ટ્રિયલ ડેલવપમેન્ટ કૉર્પોરેશન (MIDC)ની મહાગાંવમાં આવેલી એક કાર્પેટ ફૅક્ટરીના ગોડાઉનમાં ગઈ કાલે સવારે ૭ વાગ્યે ભીષણ આગ ફાટી નીકળી હતી. ધુમાડાના ગોટેગોટા દૂરથી પણ જોઈ શકાતા હતા.

કાર્પેટનું ગોડાઉન હોવાથી મોટા પ્રમાણમાં રેઝિન અને પીવીસી કાર્પેટનો સ્ટૉક ત્યાં કરાયો હતો. એ તરત સળગી ઊઠે એવું મટીરિયલ હોવાથી થોડી જ વારમાં આગે વિકરાળ સ્વરૂપ પકડી લીધું હતું. ઘટનાની જાણ થતાં ચાર ફાયર-એન્જિન ઘટનાસ્થળે ધસી ગયાં હતાં. અઢી કલાકની ભારે જહેમત બાદ આગ પર કાબૂ મેળવી શકાયો હતો. સદ્ભાગ્યે આગમાં કોઈ જાનહાનિ થઈ નથી કે કોઈના ઇન્જર્ડ થવાના અહેવાલ નથી.