સરકારના મનમાં માતાજી વસશે?

કોરોના મહામારીને લીધે ગઈ નવરાત્રિમાં સરકારી નિયંત્રણો હોવાથી રાસ-ગરબાના અનેક ખેલૈયાઓ નિરાશ થઈ ગયા હતા. જોકે આ વર્ષે ગુજરાતમાં ભૂપેન્દ્ર પટેલની સરકાર દ્વારા સોસાયટી અને ફ્લૅટના ગરબા, દુર્ગાપૂજા, વિજયા દસમીનો ઉત્સવ અને શરદપૂર્ણિમા ઉત્સવ ૪૦૦ વ્યક્તિની મર્યાદામાં ઊજવવાની છૂટ મળતાં ગુજરાતના યુવાનો અને રાસ-ગરબાના ખેલૈયાઓમાં ઉત્સાહનું વાતાવરણ સર્જાયું છે. ગુજરાતના આ સમાચાર સાંભળ્યા પછી મુંબઈના યુવાનો અને રાસ-ગરબાના ખેલૈયાઓ દ્વારા મહારાષ્ટ્ર સરકાર અને મુંબઈની મહાનગરપાલિકાએ ૭ ઑક્ટોબરથી મંદિરોની સાથે સોસાયટીઓ અને બિલ્ડિંગોમાં અને નાના પાયે થતી માતાજીની ભક્તિ તેમ જ નવરાત્રોત્સવમાં રાસ-ગરબાની કોવિડના પ્રોટોકોલ સાથે રમવાની છૂટ આપવી જોઈએ એવી જોરશોરથી માગણી શરૂ થઈ છે.