કલ્યાણમાં ૪ ટીનેજર છોકરીઓને ગોંધી રાખનારો પકડાયો

એક છોકરીએ લાઇવ લોકેશન તેની મમ્મીને શૅર કરતાં પોલીસને કડી મળી

પ્રતીકાત્મક ફાઇલ તસવીર

કલ્યાણમાં કોળસેવાડીમાં ૪ છોકરીઓને ઘરમાં ગોંધીને તેમની મારઝૂડ કરવા બદલ એક વ્યક્તિની ધરપકડ કરવામાં આવી હતી જેમાંથી એક છોકરીએ હિંમત કરીને તેની મમ્મીને લાઇવ લોકેશન શૅર કરી દીધું જેના પગલે પોલીસે આરોપીને પકડીને બધી ટીનેજર્સને બચાવી લીધી હતી.

કલ્યાણ પોલીસે જણાવ્યું હતું કે ‘કલ્યાણની એક ટીનેજર છેલ્લા પાંચ દિવસથી ગુમ હતી, તેની મમ્મીએ આ વિશે ફરિયાદ નોંધાવી હતી, ત્યાર બાદ ગુરુવારે ટીનેજરની મમ્મીના ફોન પર એક લાઇવ લોકેશન આવ્યું જેની સાથે મેસેજ હતો કે ચેતન નામના યુવકે અમને બંધક બનાવી રાખી છે. પોલીસે આ લોકેશન ટ્રેસ કરીને છોકરીઓને શોધી કાઢી હતી. કુલ ૪ છોકરીઓને આરોપીએ ઘરમાં બંધક બનાવીને રાખી હતી, તેમના પર હુમલો કર્યો હતો અને તેમને ગાળો ભાંડી હતી. આ મામલે કેસ નોંધવામાં આવ્યો છે અને આરોપીને કસ્ટડીમાં લેવામાં આવ્યો છે. ટીનેજર્સ સાથેના આ વર્તન પાછળના કારણની વધુ તપાસ ચાલુ છે.’