Maratha Quota Protest: અમે ફક્ત અનામત ઇચ્છીએ છીએ, રાજકારણ નહીં - મનોજ જરાંગે પાટીલ

Maratha Quota Protest Day 2 in Mumbai: મનોજ જરાંગે પાટીલે કહ્યું કે, સરકારે ખોટી માહિતી ફેલાવવી જોઈએ નહીં કે મરાઠાઓ અન્ય પછાત વર્ગ ક્વોટામાંથી અનામતની માંગ કરી રહ્યા છે

આઝાદ મેદાન ખાતે મરાઠા નેતા મનોજ જરાંગે પાટિલના સમર્થકો (તસવીરઃ આશિષ રાજે)

મરાઠા અને કુણબી એક જ હોવાનું કહીને તેમને અધર બૅકવર્ડ ક્લાસ (OBC) હેઠળ અનામત આપવાના મુદ્દે મરાઠા ક્રાન્તિ મોરચા (Maratha Quota Protest)ના મનોજ જરાંગે પાટીલ (Manoj Jarange Patil)ના નેતૃત્વમાં હજારોની સંખ્યામાં આંદોલનકારીઓનો આજે મુંબઈ (Mumbai)ના આઝાદ મેદાન (Azad Maidan)માં બીજો દિવસ છે. ત્યારે મુંબઈમાં મરાઠા ક્વોટા વિરોધ વધુ તીવ્ર બન્યો કારણ કે કાર્યકર્તા મનોજ જરાંગે પાટીલે આઝાદ મેદાનમાં અનિશ્ચિત સમય માટે ઉપવાસ શરૂ કર્યા, અને પુનરોચ્ચાર કર્યો કે સમુદાય ઓબીસી (OBC) ક્વોટામાંથી નહીં પણ કુણબી શ્રેણી હેઠળ યોગ્ય અનામત માંગે છે. આજે જરાંગેએ પત્રકારોને સંબોધતા ભાર મૂક્યો કે, આ આંદોલન રાજકીય નથી પરંતુ ન્યાય માટેની લડાઈ છે, અને સરકારને મરાઠા સમુદાયની ધીરજની કસોટી કરવા સામે ચેતવણી આપી.

આજે મરાઠા ક્રાન્તિ મોરચાના એક્ટિવિસ્ટ મનોજ જરાંગે પાટીલે ભારપૂર્વક જણાવ્યું હતું કે, ‘મરાઠાઓ રાજકારણમાં ભાગ લેવા માંગતા નથી અને ફક્ત અનામતની માંગ કરી રહ્યા છે, અને સરકારને ચેતવણી આપી હતી કે તેઓ મરાઠા સમુદાયની ધીરજની કસોટી ન કરે.’

શુક્રવારે મનોજ જરાંગે પાટીલે આઝાદ મેદાનમાં જ્યાં અનિશ્ચિત સમય માટે ઉપવાસ શરૂ કર્યા હતા ત્યાં પત્રકારો સાથે વાત કરતા તેમણે કહ્યું કે, ‘સરકારે ખોટી માહિતી ફેલાવવી જોઈએ નહીં કે મરાઠાઓ અન્ય પછાત વર્ગો (OBC) ક્વોટામાંથી અનામતની માંગ કરી રહ્યા છે. અમે ફક્ત માંગ કરી રહ્યા છીએ કે કુણબી શ્રેણી હેઠળની લાયકાતના આધારે અમને ક્વોટાનો અમારો હકદાર હિસ્સો મળે.’

મરાઠા ક્રાન્તિ મોરચાના એક્ટિવિસ્ટ મનોજ જરાંગે પાટીલ ઓબીસી શ્રેણી હેઠળ મરાઠાઓ માટે ૧૦ ટકા અનામતની માંગ કરી રહ્યા છે. તેઓ ઇચ્છે છે કે મરાઠાઓને કુણબી તરીકે માન્યતા આપવામાં આવે, જે એક કૃષિ જાતિ જે ઓબીસી શ્રેણીમાં સમાવિષ્ટ છે, જેનાથી તેઓ સરકારી નોકરીઓ અને શિક્ષણમાં અનામત માટે પાત્ર બનશે.

મનોજ જરાંગે પાટીલે ચેતવણી આપતા એમ પણ કહ્યું કે, ‘અમે રાજકારણમાં ભાગ લેવા માંગતા નથી. અમે ફક્ત અનામત ઇચ્છીએ છીએ. સરકારે મરાઠા સમુદાયની ધીરજની કસોટી ન કરવી જોઈએ. અમે OBC ક્વોટા ઘટાડવાનું નથી કહી રહ્યા. ખોટી માહિતી ફેલાવશો નહીં.’

એટલું જ નહીં, મનોજ જરાંગે પાટીલે મહારાષ્ટ્ર (Maharashtra)ના મુખ્યમંત્રી દેવેન્દ્ર ફડણવીસ (Devendra Fadnavis)ને ગરીબ મરાઠાઓનું અપમાન ન કરવા વિનંતી કરી. તેમણે ફડણવીસ પર રાજ્યમાં અસ્થિરતા અને વાતાવરણ બગાડવાનો પ્રયાસ કરવાનો આરોપ લગાવ્યો.

પાટીલે કહ્યું કે, ‘બૃહન્મુંબઈ મ્યુનિસિપલ કોર્પોરેશન (BMC) પાસે એક પ્રશાસક છે. મુખ્યમંત્રીના પ્રભાવ હેઠળ, તેણે વિરોધીઓ માટે ખોરાક અને પાણી બંધ કરી દીધું છે. અમે આ ભૂલીશું નહીં. તમે જાહેર શૌચાલય અને હોટલ બંધ કરી દીધી છે. ચાલો જોઈએ કે તમે ગરીબ મરાઠાઓને કેટલા દિવસ હેરાન કરો છો. વિરોધીઓ ગુસ્સે છે કારણ કે તેમને મૂળભૂત સુવિધાઓનો ઇનકાર કરવામાં આવ્યો છે’

મનોજ જરાંગે પાટીલે તેમના સમર્થકોને શાંતિ અને ધીરજ રાખવા કહ્યું.