02 June, 2026 10:24 AM IST | Mumbai | Gujarati Mid-day Correspondent
તસવીર સૌજન્ય: એમએમઆરડીએ
દહિસર-ઈસ્ટથી મીરા-ભાઈંદર સુધી ૧૧ કિલોમીટર લંબાઈ અને કુલ ૮ સ્ટેશનો ધરાવતા મુંબઈ મેટ્રો 9 કૉરિડોર પર મુંબઈ મેટ્રોપૉલિટન રીજન ડેવલપમેન્ટ ઑથોરિટી (MMRDA) ૭ ફુટ ઓવર બ્રિજ (FOB) બનાવીને મુસાફરોની સલામતી અને સુવિધા જળવાઈ રહે એ માટે પગલાં લઈ રહી છે. આ મહત્ત્વપૂર્ણ ઇન્ફ્રાસ્ટ્રક્ચરલ ફૅસિલિટી MMRDAના મુખ્ય મલ્ટિ-મૉડલ ઇન્ટિગ્રેશન (MMI) પહેલ હેઠળ કરવામાં આવી રહી છે.
નવા FOB મુંબઈના બે સૌથી વ્યસ્ત મુખ્ય માર્ગો વેસ્ટર્ન એક્સપ્રેસ હાઇવે અને મીરા-ભાઈંદર રોડ પર મુખ્ય રાહદારીઓને રસ્તો ક્રૉસ કરવા અને મેટ્રો સુધી પહોંચવા માટે ડિઝાઇન કરવામાં આવ્યા છે. આ કૉરિડોર પર નીચે ત્રીસથી ૬૦ મીટર સુધીના રસ્તાની પહોળાઈ અને વાહનોની અવરજવર બહુ જ વધુ હોવાથી આ FOB જરૂરી હોવાનું જણાઈ આવ્યું છે. આ બધા જ પ્રસ્તાવિત FOBની પહોળાઈ ૩ મીટર હશે જેથી પૅસેન્જરોની સહેલાઈથી અવરજવર થઈ શકે.
૧. દહિસર ટોલનાકા
૨. મીરાગાવ
૩. કાશીગાવ
૪. શિવાર ગાર્ડન
૫. મૅક્સસ મૉલ
૬. વેજ સાગર હોટેલ
૭. સાંઈબાબાનગર
