Mumbai weather updates today: વાદળછાયું આકાશ, હળવા ઝાપટાં અને ઝડપી પવનની શક્યતા

Mumbai weather updates today: બુધવારે મુંબઈમાં હળવો વરસાદ અને ગાજવીજ સાથે ઝાપટાં પડવાની શક્યતા છે; હવામાન વિભાગે અંશતઃ વાદળછાયા આકાશની સાથે હળવા ઝાપટાંની આગાહી કરી છે; શહેરમાં હવાની ગુણવત્તા `ઉત્તમ` શ્રેણીમાં છે

ફાઇલ તસવીર

શહેરમાં ચોમાસાની સ્થિતિ (Mumbai Rains) યથાવત રહેતાં બુધવારે સવારે મુંબઈ (Mumbai)માં વાદળછાયું વાતાવરણ અને ઝડપી પવન જોવા મળ્યો હતો. ભારતીય હવામાન વિભાગ (India Meteorological Department) એ આજે હળવો વરસાદ અને ગાજવીજ સાથે ઝાપટાં પડવાની શક્યતા વ્યક્ત કરી છે, જોકે મુંબઈ માટે કોઈ ખાસ `રેઈન એલર્ટ` (No rain alert in Mumbai) જાહેર કરવામાં આવ્યું નથી.

આજનું હવામાન અપડેટ

ભારતીય હવામાન વિભાગ (IMD)ના જણાવ્યા અનુસાર, મુંબઈ શહેર અને ઉપનગરોમાં દિવસ દરમિયાન વાદળછાયું આકાશ (Mumbai Weather Today) રહેશે તેમજ એક કે બે વાર વરસાદ કે ગાજવીજ સાથે ઝાપટાં (Mumbai Rain Updates) પડી શકે છે. મોટા પાયે ભારે વરસાદની શક્યતા નથી, પરંતુ કેટલાક વિસ્તારોમાં ઝડપી પવન સાથે મધ્યમથી ભારે વરસાદી ઝાપટાં પડી શકે છે.

વરસાદના તીવ્ર ઝાપટાં દરમિયાન પવનની ઝડપ ૪૦ થી ૫૦ કિમી પ્રતિ કલાક રહેવાની શક્યતા છે, જે વધીને ૫૦-૬૦ કિમી પ્રતિ કલાક સુધી પહોંચી શકે છે. મહત્તમ તાપમાન ૩૧ ડિગ્રી સેલ્સિયસની આસપાસ રહેવાનો અંદાજ છે, જ્યારે લઘુત્તમ તાપમાન ૨૮ ડિગ્રી સેલ્સિયસ નોંધાયું હતું.

મુંબઈમાં ગયા અઠવાડિયાના ભારે વરસાદની સરખામણીમાં હાલ વરસાદનું જોર ઘટ્યું છે, તેમ છતાં નીચાણવાળા વિસ્તારોમાં અચાનક થતા પાણીના ભરાવા (Waterlogging in Mumbai) અને ટ્રાફિકની સમસ્યા (Mumbai Traffic Jam)ને ધ્યાનમાં રાખીને નાગરિકોને ખાસ સાવચેત રહેવાની સલાહ આપવામાં આવી છે.

ગત વર્ષ કરતાં વધુ વરસાદ નોંધાયો

આ ચોમાસાની સીઝનમાં (Monsoon Updates) ગયા વર્ષની સરખામણીએ મુંબઈમાં વધુ વરસાદ નોંધાયો છે. હવામાન વિભાગના ડેટા અનુસાર, સાંતાક્રુઝ ઓબ્ઝર્વેટરીમાં અત્યાર સુધીમાં ૧,૮૮૩.૯ મીમી વરસાદ નોંધાયો છે, જે તેની વાર્ષિક સરેરાશના ૮૧.૨૪ ટકા છે. આ આંકડો ૨૦૨૫ના સમાન ગાળામાં નોંધાયેલા વરસાદ કરતાં લગભગ ૨૬ ટકા વધુ છે.

તેવી જ રીતે, કોલાબા ઓબ્ઝર્વેટરીમાં આ સીઝનમાં ૧,૫૯૦.૩ મીમી વરસાદ પડ્યો છે, જે તેના સરેરાશ વાર્ષિક વરસાદના ૭૫.૯૧ ટકા છે. ગયા વર્ષના આ જ સમયગાળા દરમિયાન નોંધાયેલા વરસાદ કરતાં આ આંકડો લગભગ ૩૧ ટકા વધુ છે, જે મુંબઈ મેટ્રોપોલિટન રીજન (Mumbai Metropolitan Region) માં સક્રિય ચોમાસું દર્શાવે છે.

હવાની ગુણવત્તા `ઉત્તમ` શ્રેણીમાં

ચોમાસાના સતત વરસાદને કારણે મુંબઈ શહેરની હવાની ગુણવત્તા (Air Quality of Mumbai) માં પણ સુધારો થયો છે. હવામાન વિભાગના સત્તાવાર આંકડા અનુસાર, બુધવારે સવારે મુંબઈનો એકંદર એર ક્વોલિટી ઈન્ડેક્સ (Air Quality Index) ૩૨ નોંધાયો હતો, જેથી શહેર `સારું` (Good) શ્રેણીમાં જળવાઈ રહ્યું છે. સામાન્ય એર ક્વોલિટી ઈન્ડેક્સ (AQI) વર્ગીકરણ મુજબ, ૦ થી ૫૦ વચ્ચેનું રેટિંગ `સારું` ગણવામાં આવે છે, જે ન્યૂનતમ સ્વાસ્થ્ય જોખમ સાથે સ્વચ્છ હવાની ખાતરી આપે છે.