નવી મુંબઈ મ્યુનિસિપલ કૉર્પોરેશનને અર્બન લોકલ બૉડી કૅટેગરીમાં રાષ્ટ્રીય જળ પુરસ્કાર એનાયત

નવી મુંબઈ મ્યુનિસિપલ કૉર્પોરેશન (NMMC) છઠ્ઠા રાષ્ટ્રીય જળ પુરસ્કાર-૨૦૨૪માં અર્બન લોકલ બૉડી કૅટેગરીમાં દેશમાં પ્રથમ ક્રમે આવ્યું છે

નવી મુંબઈ મ્યુનિસિપલ કૉર્પોરેશન (NMMC)

નવી મુંબઈ મ્યુનિસિપલ કૉર્પોરેશન (NMMC) છઠ્ઠા રાષ્ટ્રીય જળ પુરસ્કાર-૨૦૨૪માં અર્બન લોકલ બૉડી કૅટેગરીમાં દેશમાં પ્રથમ ક્રમે આવ્યું છે. દેશભરમાંથી ૭૫૧ પ્રપોઝલ મોકલવામાં આવી હતી. વૉટર મૅનેજમેન્ટ અને રીયુઝ ઇનિશ્યેટિવ માટે  NMMCને આ અવૉર્ડ એનાયત કરવામાં આવ્યો હતો. રાષ્ટ્રપતિ દ્રૌપદી મુર્મુના હસ્તે નવી દિલ્હીમાં આયોજિત એક સમારોહમાં NMMC કમિશનર-કમ-ઍડ્‍મિનિસ્ટ્રેટર કૈલાસ શિંદેએ પ્રતિષ્ઠિત પુરસ્કાર સ્વીકાર્યો હતો. અવૉર્ડ માટે પાણી માટે સ્વ-નિર્ભરતા, ૧૦૦ ટકા સીવેજ પ્રોસેસિંગ અને અસરકારક લીકેજ નિયંત્રણ જેવાં પરિબળો પણ ધ્યાનમાં લેવામાં આવ્યાં હતાં.