રોહિત શેટ્ટીએ કાર પર લગાડેલાં POLICEનાં સ્ટિકર અને લાઇટો હટાવવી પડી

પોલીસે યોગ્ય સમયે યોગ્ય સુરક્ષા પૂરી પાડવા બદલ તેમણે આભાર પણ માન્યો હતો. મુંબઈ પોલીસે આ કેસમાં ટિપ્પણી કરવાનું ટાળ્યું હતું. 

રોહિત શેટ્ટીએ કરેલો જુગાડ હટાવી લેવો પડ્યો છે

ફિલ્મમેકર રોહિત શેટ્ટીએ તેના ઘર પર ફાયરિંગ અને ધમકી બાદ માગેલું પોલીસ-પ્રોટેક્શન ન મળતાં તેની બે કાર પર POLICEનાં સ્ટિકર અને પોલીસ-વૅન પર લગાડવામાં આવે છે એવી લાઇટ ફિટ કરાવડાવી હતી. આ બાબતે ‘મિડ-ડે’માં અહેવાલ છપાયા બાદ રોહિત શેટ્ટીને મુંબઈ પોલીસની સ્ક્રૂટિની હેઠળ આવવાનો વારો આવ્યો છે. એને પગલે રોહિત શેટ્ટીએ આ જુગાડ હટાવી લેવો પડ્યો છે. રોહિત શેટ્ટીના સ્ટાફે સ્પષ્ટતા કરી હતી કે ફાયરિંગના બનાવ બાદ રોહિત શેટ્ટીના ઘર અને સેટ બન્ને જગ્યાએ સુરક્ષા વધારવા માટે આ સ્ટિકર્સની મદદ લેવાઈ હતી. જોકે પોલીસે યોગ્ય સમયે યોગ્ય સુરક્ષા પૂરી પાડવા બદલ તેમણે આભાર પણ માન્યો હતો. મુંબઈ પોલીસે આ કેસમાં ટિપ્પણી કરવાનું ટાળ્યું હતું.