રસ્તે રખડતાં શ્વાનો અને બિલાડીઓનાં અંગો ચોરાઈ રહ્યાં છે

શિવસેનાના સંસદસભ્ય નરેશ મ્હસ્કે

શિવસેનાના સંસદસભ્ય નરેશ મ્હસ્કેએ થાણેમાં રખડતાં શ્વાનો-બિલાડીઓને પકડીને એમનાં અંગો ગેરકાયદે કાઢીને ચોરી કરવામાં આવતાં હોવાના અને આ માટેનું આખું કથિત રૅકેટ ચાલી રહ્યું હોવાના આરોપો કર્યા હતા. શુક્રવારે થાણે મ્યુનિસિપલ કૉર્પોરેશનના એક કાર્યક્રમમાં તેમણે આ વિશે વાત કરી હતી. તેમણે કહ્યું હતું કે ‘મને એવી માહિતી મળી છે કે ગેરકાયદે ચાલતા આ રૅકેટમાં કેટલાંક પેટ સેન્ટર્સ અને ડૉક્ટર્સ પણ સંકળાયેલાં છે. અમુક પ્રાઇવેટ હૉસ્ટિપલો પણ આમાં સંડોવાયેલી હોવાની શક્યતા છે.’ સરકારના હેલ્થ અને વેટરિનરી ડિપાર્ટમેન્ટને નરેશ મ્હસ્કેએ આ રૅકેટની તપાસ કરવા અને સુરક્ષા-સલામતી માટે જરૂરી પગલાં ભરવાનો નિર્દેશ આપ્યો હતો.