પાંચ વર્ષની બાળકી પર બળાત્કારનો પ્રયત્ન, હત્યા, આરોપી એન્કાઉન્ટરમાં ઠાર

કર્ણાટકના હુબલીમાં પાંચ વર્ષની બાળકી પર દુષ્કર્મનો પ્રયાસ અને હત્યાના મામલે આરોપી રક્ષિતને પોલીસ મુઠભેડમાં મારી નાખવામાં આવ્યો. સીસીટીવી ફુટેજમાં આરોપી બાળકીને ઘરેથી લઈ જતો જોવામાં આવ્યો. આરોપીએ બાળકીનું ગળું દાબીને હત્યા કરી દીધી.

પ્રતીકાત્મક તસવીર સૌજન્ય : મિડ-ડે

કર્ણાટકના હુબલીમાં પાંચ વર્ષની બાળકી પર દુષ્કર્મનો પ્રયાસ અને હત્યાના મામલે આરોપી રક્ષિતને પોલીસ મુઠભેડમાં મારી નાખવામાં આવ્યો. સીસીટીવી ફુટેજમાં આરોપી બાળકીને ઘરેથી લઈ જતો જોવામાં આવ્યો. આરોપીએ બાળકીનું ગળું દાબીને હત્યા કરી દીધી. પોલીસે જણાવ્યું કે આરોપીએ ક્રાઈમ સ્વીકારી લીધો હતો.

કર્ણાટકના હુબલીમાં એક પાંચ વર્ષની બાળકી પર બળાત્કાર કરવાનો પ્રયત્ન કર્યા બાદ હત્યા કરવાને મામલે આરોપીને એન્કાઉન્ટરમાં ઠાર કરી દેવામાં આવ્યો. આરોપીની ઓળખ રક્ષિત ક્રાંતિ તરીકે થઈ. આરોપી કહેવાતી રીતે બાળકીને એક શેડમાં લઈને ગયો અને દુષ્કર્મ કરવાનો પ્રયત્ન કર્યો. બાળકીએ અવાજ કર્યો તો આસપાસના લોકો ઘટનાસ્થળે પહોંચી ગયા. જો કે, આ પહેલા આરોપીએ બાળકીનું ગળું દાબીને હત્યા કરી ભાગી ગયો હતો.

આરોપીની ઓળખ સીસીટીવી કેમેરાની મદદથી થઈ. આરોપીને સીસીટીવી કેમેરામાં બાળકીને ઘરની સામે રમતી વખતે ઉઠાવીને લઈ જતો જોવા મળ્યો.

હુબલી પોલીસે કઈ માહિતી આપી?
હુબલી પોલીસ (Hubballi Police) કમિશનર શશિ કુમારે જણાવ્યું હતું કે જ્યારે પોલીસ આરોપીને પકડવા ગઈ ત્યારે તેણે ભાગવાનો પ્રયાસ કર્યો અને તેમના પર હુમલો કર્યો. જેના જવાબમાં પોલીસે બે રાઉન્ડ ગોળીઓ ચલાવી, જેમાંથી એક આરોપીના પગમાં અને બીજી પીઠમાં વાગી. આ હુમલામાં એક પોલીસ સબ-ઇન્સ્પેક્ટર અને અન્ય બે પોલીસકર્મીઓ ઘાયલ થયા હતા. જેમને સારવાર માટે કિમ્સ હોસ્પિટલમાં દાખલ કરવામાં આવ્યા હતા.

પોલીસે જણાવ્યું કે જ્યારે 35 વર્ષીય રક્ષિત ક્રાંતિની પૂછપરછ કરવામાં આવી ત્યારે ખબર પડી કે તે બિહારની રાજધાની પટનાનો રહેવાસી છે. તેણે પોતાનો ગુનો કબૂલી લીધો હતો.

પોલીસે માહિતી આપી હતી કે રક્ષિત છેલ્લા બે-ત્રણ મહિનાથી શહેરના વિવિધ સ્થળોએ ફરતો હતો. તે બાંધકામ સ્થળો અને હોટલોમાં કામ કરતો હતો. પોલીસ હાલમાં આ મામલાની તપાસ કરી રહી છે. રક્ષિતના ઠેકાણા વિશે વધુ માહિતી એકત્રિત કરવા માટે પોલીસે એક ટીમ પટના મોકલી છે.

ઘટના અંગે પોલીસ અધિકારીનું નિવેદન
હુબલી-ધારવાડ પોલીસ કમિશનર એન. શશી કુમારે અગાઉ દિવસ દરમિયાન જણાવ્યું હતું કે, `છોકરીના માતા-પિતાની ફરિયાદ પર કાર્યવાહી કરવામાં આવી રહી છે.` છોકરીનો પરિવાર કોપ્પલ જિલ્લાનો છે. તેની માતા ઘરકામ કરતી અને બ્યુટી પાર્લરમાં સહાયક તરીકે કામ કરે છે. તેના પિતા રંગકામ કરે છે. તેણે કહ્યું કે છોકરીની માતા વિસ્તારના ઘરોમાં કામ કરે છે, તેથી તે તેને પોતાની સાથે લઈ ગયો હતો. કોઈ અજાણ્યો વ્યક્તિ ત્યાંથી છોકરીને લઈ ગયો હતો. શોધખોળ કર્યા પછી, છોકરી ઘરની સામે આવેલા એક કામચલાઉ મકાનના બાથરૂમમાંથી મળી આવી. છોકરીને તાત્કાલિક હોસ્પિટલમાં દાખલ કરવામાં આવી, જ્યાં ડોક્ટરોએ તેને મૃત જાહેર કરી.