27 September, 2026 08:35 AM IST | Delhi | Gujarati Mid-day Correspondent
ઇલેક્શન કમિશન ઑફ ઈન્ડિયા
ઇલેક્શન કમિશન ઑફ ઇન્ડિયા (ECI)એ શનિવારે મહારાષ્ટ્રમાં મતદારયાદીના સ્પેશ્યલ ઇન્ટેન્સિવ રિવિઝન (SIR) માટે સુધારેલું ટાઇમટેબલ જાહેર કર્યું છે, જેમાં દાવા અને વાંધાઓ રજૂ કરવાની મુદત ૧૨ ઑક્ટોબર સુધી લંબાવવામાં આવી છે.
આ ઉપરાંત કમિશને નોટિસ તેમ જ દાવા અને વાંધાઓના નિકાલ માટેની મુદત ૧૦ નવેમ્બર સુધી લંબાવી છે અને છેલ્લી યાદી પબ્લિશ કરવા માટે ૧૬ નવેમ્બર નક્કી કરી છે. અગાઉ દાવા અને વાંધાઓ રજૂ કરવાની છેલ્લી તારીખ ૩૦ સપ્ટેમ્બર હતી અને અંતિમ પ્રકાશનની તારીખ ૪ નવેમ્બર હતી. કમિશન દ્વારા મહારાષ્ટ્રના મુખ્ય ચૂંટણી-અધિકારીને આપવામાં આવેલા નિર્દેશ મુજબ મતદારયાદી માટેની પાત્રતાની તારીખ પહેલી ઑક્ટોબર યથાવત્ રહેશે.
