30 July, 2026 09:52 AM IST | Delhi | Gujarati Mid-day Correspondent
વાઇરલ વિડીયોમાંથી સ્ક્રીનશૉટ
કૉક્રૉચ જનતા પાર્ટી (CJP)એ એક પોસ્ટ શૅર કરીને ખુલાસો કર્યો છે કે CJPના વિરોધ-પ્રદર્શન વખતે જંતર મંતર નજીક પકડવામાં આવેલી પથ્થરો ભરેલી ટ્રકને દિલ્હી પોલીસે ૪ દિવસ પહેલાં જપ્ત કરી હતી. એક રિપોર્ટમાં દાવો કરવામાં આવ્યો છે કે ૨૦ જુલાઈઅે વિરોધ હિંસક બન્યો અેના ૪ દિવસ પહેલાં ટ્રક જપ્ત કરવામાં આવી હતી.
આ મુદ્દે CJPએ સવાલ કર્યો હતો કે ‘પથ્થરોથી ભરેલી જપ્ત કરેલી ટ્રકને વિરોધ-પ્રદર્શન સ્થળે ખસેડવાનો આદેશ કોણે આપ્યો હતો? આ ટ્રક દિલ્હી પોલીસની કસ્ટડીમાં ૪ દિવસથી હતી. દિલ્હી પોલીસે આ મુદ્દે તાત્કાલિક જવાબ આપવો જોઈએ અને પ્રદર્શનકારીઓના વિશાળ જાહેર મેળાવડામાં પથ્થરો ભરેલી ટ્રકને મૂકવાનો નિર્ણય લેનારા પોલીસના કર્મચારીઓ સામે કડક પગલાં લેવાં જોઈએ.’
