22 October, 2021 09:56 AM IST | Lucknow | Gujarati Mid-day Correspondent
પ્રિયંકા ગાંધી
ઉત્તર પ્રદેશમાં વિધાનસભાની આગામી ચૂંટણીમાં મહિલાઓને ૪૦ ટકા સીટની ઑફર કર્યા બાદ કૉન્ગ્રેસ નેતા પ્રિયંકા ગાંધી વાડ્રાએ ગઈ કાલે જાહેરાત કરી હતી કે જો કૉન્ગ્રેસ સત્તા પર આવશે તો ૧૨મું પાસ છોકરીઓને સ્માર્ટ ફોન અને ગ્રેજ્યુએટ થયેલી છોકરીઓને ઇલેક્ટ્રિક સ્કૂટી આપવામાં આવશે.
ટ્વિટર પર હિન્દીમાં ટ્વીટ કરતાં પ્રિયંકા ગાંધીએ લખ્યું હતું કે તેઓ કેટલીક યુવતીઓને મળ્યાં હતાં, જેમણે અભ્યાસ તેમ જ સુરક્ષા માટે સ્માર્ટ ફોનની આવશ્યકતા હોવાનું કહ્યું હતું. ઉત્તર પ્રદેશ કૉન્ગ્રેસે ચૂંટણીઢંઢેરા કમિટીની સંમતિથી ઉત્તર પ્રદેશમાં તેમની સરકાર સત્તા પર આવશે તો ઇન્ટર (૧૨મું) પાસ છોકરીઓને સ્માર્ટ ફોન અને ગ્રેજ્યુએટ થયેલી છોકરીઓને ઇલેક્ટ્રિક સ્કૂટી આપવાનો નિર્ણય લીધો છે.