29 November, 2023 09:00 PM IST | New Delhi | Gujarati Mid-day Online Correspondent
કિસની પ્રતીકાત્મક તસવીર
દિલ્હી (Delhi)માં સાર્વજનિક સ્થળોએ લોકો દ્વારા અશ્લીલ હરકતો હવે સામાન્ય ઘટના બની રહી છે. સોશિયલ મીડિયા પર આવા અનેક વીડિયો સામે આવ્યા છે. આ દિવસોમાં એક એવો જ વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વાયરલ વીડિયો (Viral Video)માં એક છોકરો બે છોકરીઓને કિસ કરતો જોવા મળી રહ્યો છે.
આ ત્રણેય શાળાના બાળકો છે. વીડિયોમાં સ્કૂલ યુનિફોર્મમાં એક છોકરો બે છોકરીઓને કિસ કરતો જોવા મળી રહ્યો છે. આ વીડિયો સોશિયલ મીડિયા પર વાયરલ થયા બાદ લોકો તેના પર ઉગ્ર પ્રતિક્રિયા આપી રહ્યા છે. ખરેખર, આ વખતે મામલો મેટ્રોની અંદર નહીં, પણ મેટ્રો બ્રિજની બહાર પબ્લિક ટ્રાન્સપોર્ટની બહાર સામે આવ્યો છે.
વીડિયોમાં સ્કૂલ યુનિફોર્મમાં એક છોકરો બે છોકરીઓને કિસ કરતો જોવા મળી રહ્યો છે. ત્રણેય બાળકો પુલ નીચે ઊભા છે અને આવી રીતે વર્તન કરી રહ્યા છે. આ વીડિયોને @Raka440 નામના યુઝરે સોશિયલ મીડિયા પ્લેટફોર્મ એક્સ પર શેર કર્યો છે. આ સાથે યુઝરે કેપ્શન લખ્યું છે કે, “દિલ્હી મેટ્રો બ્રિજની નીચે સ્કૂલ ડ્રેસમાં અભ્યાસ ચાલી રહ્યો છે.” આ વીડિયોને અત્યાર સુધીમાં ચાર હજારથી વધુ લોકો જોઈ ચૂક્યા છે. તે જ સમયે, આ પોસ્ટ પર ઘણા લોકોએ તેમની પ્રતિક્રિયા આપી છે. આ વીડિયો ઈન્ટરનેટ પર ઝડપથી શેર થઈ રહ્યો છે. તમે પણ જુઓ આ વાયરલ વીડિયો.
લોકોએ આપી આવી પ્રતિક્રિયા
વાયરલ થઈ રહેલા આ વીડિયો પર લોકો ઊગ્ર પ્રતિક્રિયા આપી રહ્યા છે. એક યુઝરે લખ્યું કે, “શહેરોની ચમકે માણસ હોવાના તમામ ગુણો નષ્ટ કરી દીધા છે.” અન્ય યુઝરે લખ્યું, “આ તેમની પ્રાઈવસીનું ઉલ્લંઘન છે.”