વારાણસીમાં ફટાકડાની ફૅક્ટરીમાં વિસ્ફોટ બાદ બિલ્ડિંગ ધરાશાયી, અનેક લોકો દટાયા

પ્રાથમિક માહિતી મુજબ આ દુર્ઘટનામાં કાટમાળ નીચે અનેક લોકો દટાયા હોવાની આશંકા છે અને બે લોકોને ગંભીર ઈજાઓ પહોંચતાં તેમને તાત્કાલિક સારવાર માટે હૉસ્પિટલ ખસેડવામાં આવ્યા હતા. 

પ્રતીકાત્મક તસવીર

ઉત્તર પ્રદેશના વારાણસી શહેરમાં આવેલી ફટાકડાની એક ગેરકાયદે ફૅક્ટરીમાં અત્યંત ભયાનક વિસ્ફોટ થતાં આખું બે માળનું મકાન ધરાશાયી થઈ ગયું હતું. પૈગમ્બરપુર વિસ્તારમાં થયેલા આ મોટા ધડાકાને કારણે સમગ્ર વિસ્તારમાં ભારે અફરાતફરી અને ભયનો માહોલ સર્જાયો હતો. પ્રાથમિક માહિતી મુજબ આ દુર્ઘટનામાં કાટમાળ નીચે અનેક લોકો દટાયા હોવાની આશંકા છે અને બે લોકોને ગંભીર ઈજાઓ પહોંચતાં તેમને તાત્કાલિક સારવાર માટે હૉસ્પિટલ ખસેડવામાં આવ્યા હતા. 
ઘટનાની જાણ થતાં જ પોલીસ અને ફાયરબ્રિગેડની ટીમો ઘટનાસ્થળે પહોંચી હતી અને યુદ્ધના ધોરણે બચાવ-કામગીરી શરૂ કરી દેવાઈ હતી. અહીં ગેરકાયદે ફટાકડા બનાવવાનું કામ ચાલતું હતું અને ત્યાં રાખવામાં આવેલા અત્યંત જ્વલનશીલ પદાર્થોમાં આગ લાગવાને કારણે આ વિસ્ફોટ થયો હોવાનું પ્રાથમિક તારણ છે.