હરિયાણાનો મેરઠ કાંડ: ઇન્સ્ટા ક્વીને કર્યું પતિનું કતલ, પ્રેમી સાથે ફેંકી લાશ

સોશિયલ મીડિયા પર પૉપ્યુલર રવીનાને રીલ બનાવવાનો ખૂબ જ શોખ હતો. ખાસ વાત એ છે કે તેના આ શોખ પર પરિવારને ખૂબ જ વાંધો હતો અને ચર્ચા છે કે આને કારમે પ્રવીણ સાથે તેનો અનેક વાર ઝગડો પણ થયો હતો.

વીડિયોમાંથી લેવાયેલ સ્ક્રીન ગ્રૅબ

સોશિયલ મીડિયા પર પૉપ્યુલર રવીનાને રીલ બનાવવાનો ખૂબ જ શોખ હતો. ખાસ વાત એ છે કે તેના આ શોખ પર પરિવારને ખૂબ જ વાંધો હતો અને ચર્ચા છે કે આને કારણે પ્રવીણ સાથે તેનો અનેક વાર ઝગડો પણ થયો હતો.

ઉત્તર પ્રદેશ મેરઠમાં થયેલા સૌરભ રાજપૂત હત્યાકાંડની તપાસ હજી તો પૂરી પણ નથી થઈ ત્યાં હરિયાણામાંથી વધુ એક એવા જ સમાચાર સામે આવ્યા છે. અહીં ઈન્સ્ટાગ્રામ પર  રીલ બનાવવાની શોખીન એક મહિલાએ પ્રેમી સાથે મળીને પતિને મૃત્યુને ઘાટ ઉતારી દીધો. એટલું જ નહીં ત્યાર બાદ બન્નેએ મળીને મૃતદેહને ઠેકાણે પાડ્યો. કહેવામાં આવી રહ્યું છે કે મહિલાને પતિએ તેના પ્રેમી સાથે વંધાજનક સ્થિતિમાં જોઈ લીધો હતો.

શું છે આખી વાત?
આ હત્યા કેસમાં ત્રણ પાત્રો છે. પહેલી રવીના, જે ઇન્સ્ટાગ્રામ પર ખૂબ જ લોકપ્રિય છે અને રીલ્સ બનાવવાની શોખીન છે. સોશિયલ મીડિયા પર તેના 30 હજારથી વધુ ફોલોઅર્સ છે. તે રેવડીની છે. બીજો પાત્ર સુરેશ છે, જે પ્રેમનગરના હાંસીનો રહેવાસી છે, જે યુટ્યુબર હોવાનું કહેવાય છે. એવું કહેવાય છે કે તે રવીનાનો બૉયફ્રેન્ડ છે. ત્રીજો રવીનાનો પતિ પ્રવીણ છે, જે 35 વર્ષનો છે. તે જૂના બસ સ્ટેન્ડ વિસ્તારના ગુજરોની ધાનીનો રહેવાસી હતો.

જ્યારે પતિએ તેને બૉયફ્રેન્ડ જોડે જોઈ તો તેણે પતિનું ગળું દબાવી દીધું
મીડિયા રિપોર્ટ્સ અનુસાર, રવીના અને સુરેશ ઘણા સમયથી એકબીજાના સંપર્કમાં હતા. 25 માર્ચે, પ્રવીણે બંનેને ઘરમાં વાંધાજનક સ્થિતિમાં પકડ્યા. અહેવાલ છે કે આ પછી ત્રણેય વચ્ચે જોરદાર ઝઘડો થયો અને રવીના અને સુરેશે મળીને પ્રવીણનું સ્કાર્ફ વડે ગળું દબાવી દીધું. આ હુમલામાં પ્રવીણનું મોત થયું.

રીલના શોખીન
સોશિયલ મીડિયા પર લોકપ્રિય રવીનાને રીલ્સ બનાવવાનો ખૂબ શોખ હતો. ખાસ વાત એ છે કે તેના પરિવારે તેના આ શોખ સામે સખત વાંધો ઉઠાવ્યો હતો અને એવા અહેવાલો છે કે આ કારણે તેનો પ્રવીણ સાથે ઘણી વખત ઝગડો થયો હતો. યુટ્યુબ પર તેમના વીડિયોમાં ઘણા પ્રખ્યાત કલાકારો પણ દેખાયા છે.

રીલથી રૂમ સુધી મામલો કેવી રીતે પહોંચ્યો?
ફિલ્મોના શોખીન 32 વર્ષીય રવીના માટે સુરેશને મળવા માટે સોશિયલ મીડિયા પણ એક માધ્યમ બન્યું. ઇન્સ્ટાગ્રામ પર કનેક્ટ થયા પછી, બંનેએ લગભગ દોઢ વર્ષ સુધી સાથે મળીને કોન્ટેન્ટ બનાવ્યું. પ્રવીણ પણ આનો વિરોધ કરતો હતો. હાલમાં, પોલીસે બંનેની ધરપકડ કરી છે અને પૂછપરછ ચાલુ છે. આ દરમિયાન રવીના અને સુરેશે હત્યા સાથે જોડાયેલા ઘણા રહસ્યો ખોલ્યા છે.

જે સ્ત્રી સાથે તેણે લગ્ન કર્યા હતા તેણે જ તેને ગટરમાં ફેંકી દીધો
એવું કહેવામાં આવી રહ્યું છે કે પતિની હત્યા પછી પણ રવીના પર ખાસ અસર થઈ ન હતી. તે સામાન્ય દેખાતી હતી. એવા અહેવાલો છે કે જ્યારે પરિવારે પ્રવીણ વિશે પૂછ્યું ત્યારે તેણે કોઈ માહિતી હોવાનો ઇનકાર કર્યો. ત્યારબાદ, તેણે બધાના સૂવાની રાહ જોઈ અને રાત્રે 2.30 વાગ્યે, તે સુરેશ સાથે પતિના મૃતદેહનો નિકાલ કરવા માટે બહાર ગઈ.

તેનું કૃત્ય સીસીટીવીમાં પણ કેદ થયું છે. પ્રવીણનો મૃતદેહ વચ્ચે રાખવામાં આવ્યો છે, ડ્રાઇવરે હેલ્મેટ પહેર્યું છે અને રવીનાએ પોતાનો ચહેરો ઢાંકેલો છે તે જોવા મળે છે. લગભગ બે કલાક પછી, તે એ જ બાઇક પર પાછળ બેઠેલી, પાછી આવતી જોવા મળે છે. જ્યારે, શરીર ગાયબ હતું. બંનેએ પ્રવીણના મૃતદેહને તેના ઘરથી લગભગ 6 કિમી દૂર ડિનૌડ રોડ પર એક ગટરમાં ફેંકી દીધો. આ પછી, પોલીસે 28 માર્ચે સડેલી હાલતમાં લાશ શોધી કાઢી.