Premchand Hombal Passes Away: જાણીતા ભરતનાટ્યમ નર્તકનું નિધન, લખનઉમાં લીધા અંતિમ શ્વાસ

Premchand Hombal Passes Away: તેમને સંગીત નાટક અકાદમી પુરસ્કારથી સન્માનિત કર્યા હતા. નૃત્ય ક્ષેત્રે તેમના સમગ્ર યોગદાનને ધ્યાનમાં લેતાં 2021 માટે પુરસ્કાર એનાયત કરવામાં આવ્યો હતો.

પ્રેમચંદ હોમ્બલની વિદાય

Premchand Hombal Passes Away: જાણીતા ભરતનાટ્યમ નૃત્ય ગુરુ પ્રેમચંદ હોમ્બલનું નિધન થયું છે. તેઓને વર્ષ 2021 માટે ઉત્તર પ્રદેશ મ્યુઝિક ડ્રામા એકેડેમી એવોર્ડ તેમ જ સેન્ટ્રલ મ્યુઝિક ડ્રામા એકેડેમી એવોર્ડથી સન્માન પ્રાપ્ત થયું હતું. ગઇકાલે બપોરે ૧ વાગ્યે તેઓનું અવસાન થયું હતું. લખનઉમાં આવેલી મેદાંતા હોસ્પિટલમાં તેઓએ અંતિમ શ્વાસ લીધા છે. 

આજીવન એક ઉત્તમ શિક્ષક રહેનાર પ્રેમચંદ હોમ્બલે કાશી હિન્દુ યુનિવર્સિટી, બનારસના ઇન્સ્ટિટ્યૂટ ઓફ મેડિકલ સાયન્સમાં પોતાનું યોગદાન આપીને શ્રેષ્ઠ આદર્શ ઊભો કર્યો છે. 

પ્રેમચંદ હોમ્બલે ભરતનાટ્યમ અને નાટ્યવાદને પ્રોત્સાહન આપવામાં વિશેષ યોગદાન આપ્યું છે. તેઓએ લગભગ 37 વર્ષ સુધી કાશી હિન્દુ યુનિવર્સિટીના સંગીત અને સ્ટેજ આર્ટ્સના ફેકલ્ટીમાં કામ કર્યું. ભાટખંડે કલ્ચર યુનિવર્સિટીનાં શિક્ષિકા અને નૃત્યગુરુ પ્રેમચંદ હોમ્બલનાં શિષ્યા ગરિમાએ જણાવ્યું હતું કે તેમણે ભરતનાટ્યમ અને નાટ્યશાસ્ત્રના પ્રચારમાં વિશેષ યોગદાન આપ્યું છે. તેમણે બનારસ હિન્દુ યુનિવર્સિટીના સંગીત અને પ્રદર્શન કલા ફેકલ્ટીમાં લગભગ 37 વર્ષ સુધી કામ કર્યું. રવિવારે તેમના પાર્થિવ શરીરને અંતિમ સંસ્કાર (Premchand Hombal Passes Away) માટે વારાણસી લઈ જવામાં આવશે.

સંગીત નાટક અકાદમી પુરસ્કારથી સન્માનિત કરવામાં આવ્યા

દેશનાં રાષ્ટ્રપતિ દ્રૌપદી મુર્મુએ સ્ટેજ આર્ટ્સ ફેકલ્ટીના નૃત્ય વિભાગના ભૂતપૂર્વ વડા પ્રેમચંદ હોમ્બલને સંગીત નાટક અકાદમી પુરસ્કારથી સન્માનિત કર્યા હતા. નૃત્ય ક્ષેત્રે તેમના સમગ્ર યોગદાનને ધ્યાનમાં લેતાં 2021 માટે આ પુરસ્કાર એનાયત કરવામાં આવ્યો હતો.

સંગીત નાટ્ય અકાદમીએ પણ શોક વ્યક્ત કર્યો 

સંગીત નાટ્ય અકાદમી તરફથી જારી કરાયેલી પોસ્ટમાં જણાવાયું છે કે, "સંગીત નાટક અકાદમી અને તેની સહયોગી સંસ્થાઓ શ્રી પ્રેમચંદ હોમ્બલ, જાણીતા ભરતનાટ્યમ પ્રતિપાદક, આદરણીય ગુરુ અને સંગીત નાટક અકાદમી પુરસ્કાર મેળવનારના આ વિરલ પ્રતિભાના દુઃખદ અવસાન પર ઊંડો શોક વ્યક્ત કરે છે. તેઓએ શાસ્ત્રીય નૃત્યના ક્ષેત્રમાં એક કલાકાર, નૃત્યનિર્દેશક અને શિક્ષક તરીકે નોંધપાત્ર યોગદાન આપ્યું હતું અને તેમના સમગ્ર જીવન દરમિયાન ભારતીય પ્રદર્શન કળાઓના સંવર્ધન (Premchand Hombal Passes Away) માટે સમર્પિત રહ્યા હતા."

નાટકોમાં પણ યોગદાન આપ્યું હતું 

તેઓએ (Premchand Hombal Passes Away) અનેક નાટકો અને બેલે કોરિયોગ્રાફીમાં પણ સહયોગ આપ્યો હતો. `ઉત્તર પ્રિયદર્શી`, `ત્રિપથગા`, `બુદ્ધ ચરિત્ર`, `જાતકમ`, `મહિષાસુર મર્દિની` તેમ જ પ્રેમચંદ હોમ્બલે સંસ્કૃત નાટકો `દૂતવાક્યમ`, `કર્ણભારમ` `ઓરુભંગમ` ના દિગ્દર્શન ઉપરાંત `માલવિકાગ્નિ મિત્રમ`, `વિક્રમોર્વસિયમ` અને `વણિસંભર`માં પણ અભિનય કર્યો હતો.

આજે દેહદાન કરવામાં આવશે. 

થોડા દિવસ પહેલા અચાનકથી તેઓની તબિયત લથડી હતી. તેમને સારવાર માટે લખનઉની મેદાંતા હોસ્પિટલમાં દાખલ કરવામાં આવ્યા હતા. જ્યાં તેઓનું અવસાન થયું છે. પ્રાપ્ત અહેવાલો અનુસાર આજે 20 એપ્રિલના રોજ તેઓના પાર્થિવ દેહને અંતિમ દર્શન માટે વારાણસી લઈ જવામાં આવશે અને પછી પરિવાર દ્વારા તેમની દેહદાનની ઈચ્છા પૂરી કરવામાં આવશે.