સંસદમાં અચાનક આવેલા અજિત ડોભાલને જોઈને શરૂ થઈ અટકળો

સૂત્રોના જણાવ્યા અનુસાર આ મુલાકાત સંપૂર્ણપણે રૂટીન હતી અને અેની પાછળ કોઈ ચોક્કસ સુરક્ષા ઇન્પુટ કે ઇમર્જન્સી અેજન્ડા નહોતો

વાઇરલ વિડીયોમાંથી સ્ક્રીનશૉટ

ચોમાસુ સત્ર દરમ્યાન બુધવારે સંસદમાં નૅશનલ સિક્યૉરિટી ઍડ્વાઇઝર (NSA) અજિત ડોભાલની અચાનક હાજરીથી રાજકીય વર્તુળોમાં ભારે અટકળો વહેતી થઈ હતી. અે સમયે લોકસભામાં ઍન્ટિ પેપર-લીક બિલ પર ચર્ચા ચાલી રહી હતી. અજિત ડોભાલની આ હાજરી બાદ એવી ચર્ચા શરૂ થઈ હતી કે તેઓ કોઈ ગંભીર રાષ્ટ્રીય સુરક્ષા મુદ્દે પ્રધાનોને બ્રીફ કરવા અથવા કટોકટીની બેઠકમાં હાજરી આપવા આવ્યા હતા. જોકે સૂત્રોના જણાવ્યા અનુસાર આ મુલાકાત સંપૂર્ણપણે રૂટીન હતી અને અેની પાછળ કોઈ ચોક્કસ સુરક્ષા ઇન્પુટ કે ઇમર્જન્સી અેજન્ડા નહોતો.