02 February, 2026 09:02 AM IST | Delhi | Gujarati Mid-day Correspondent
પ્રતીકાત્મક તસવીર
સંસદમાં પોતાનું નવમું બજેટ રજૂ કરતી વખતે નાણાપ્રધાન નિર્મલા સીતારમણે કન્યા-શિક્ષણને પ્રોત્સાહન આપવા માટે દરેક જિલ્લામાં કન્યા-છાત્રાલયોના નિર્માણની જાહેરાત કરી છે જે દૂરના વિસ્તારોની વિદ્યાર્થિનીઓ માટે સલામત રહેઠાણ પૂરું પાડે છે. આનાથી ઉચ્ચ શિક્ષણમાં, ખાસ કરીને સાયન્સ, ટેક્નૉલૉજી, એન્જિનિયરિંગ અને મૅથ્સ (STEM) અભ્યાસક્રમોમાં છોકરીઓની ભાગીદારી વધવાની અપેક્ષા છે. ગામડાંઓમાં અથવા નાના વિસ્તારોમાં રહેતી છોકરીઓને શહેરોમાં ઉચ્ચ શિક્ષણ મેળવવામાં મુશ્કેલીઓનો સામનો ન કરવો પડે એ માટે આ જાહેરાત કરવામાં આવી છે.
આ વાયબિલિટી ગૅપ ફન્ડિંગ (VGF) અથવા મૂડીસહાયથી બનાવવામાં આવશે જેથી છોકરીઓને તેમના લાંબા અભ્યાસ અને પ્રયોગશાળાના કલાકો દરમ્યાન રહેવા માટે સલામત સ્થળ પૂરું પાડી શકાય. એક વાર અમલમાં મુકાયા પછી આ યોજના ગ્રામીણ વિસ્તારો અથવા નાનાં શહેરોમાં રહેતાં માતા-પિતા માટે તેમની દીકરીઓને શિક્ષણ માટે વિદેશ મોકલવાનું સરળ બનાવશે.
નિર્મલા સીતારમણે દેશમાં નવી યુનિવર્સિટીઓ સ્થાપવાની અને ફાર્માસ્યુટિકલ સંસ્થાઓને પણ મોટું પ્રોત્સાહન આપવાની જાહેરાત કરી હતી.
