ધર્મ પરિવર્તન વિના પણ સારી વ્યકિત બની શકાય તે સમજાવવા પેદા થયા છીએ

RSS નેતા મોહન ભાગવતે એક ઘોષ શિબિર કાર્યક્રમમાં સંબોધન કરતી વખતે ભારતને વિશ્વગુરુ બનાવવાની વાત કરી હતી.

મોહન ભાગવત (ફાઈલ ફોટો)

RSS નેતા મોહન ભાગવતે એક ઘોષ શિબિર કાર્યક્રમમાં સંબોધન કરતી વખતે ભારતને વિશ્વગુરુ બનાવવાની વાત કરી હતી. રાષ્ટ્રીય સ્વંયસેવક સંઘના પ્રમુખ મોહન ભાગવત(Mohan Bhagwat)એ કહ્યું `અમારે કોઈનો ધર્મ પરિવર્તન કરવાની જરૂર નથી, પરંતુ જીવવાની રીત શિખવાડવી છે. પુજા કરવાની કોઈ પણ પદ્ધતિ બદલ્યા વિના સારી વ્યક્તિ બનવું એ આપણો ઉદ્દેશ હોવો જોઈએ. અમે સમગ્ર દુનિયાને આ સમજાવવા માટે ભારતની ભુમિમા પેદા થયા છીએ.`

આરએસએસ(RSS)ના વડાએ શુક્રવારે ઘોષ શિબિરમાં એક કાર્યક્રમને સંબોધતા કહ્યું હતું કે ભારતને વિશ્વ ગુરુ બનાવવા માટે સંકલનમાં આગળ વધવાની જરૂર છે.

ન્યૂઝ એજન્સી ANI અનુસાર, ભાગવતે કહ્યું કે `આપણે ભારતને વધુ સારું બનાવવું છે. જો કોઈ તેની સિસ્ટમ બગાડવાનો પ્રયાસ કરે તો તે સારી વાત નથી.આવી સ્થિતિમાં શું કરવું જોઈએ તે દેશ નક્કી કરશે. ભારતને વિશ્વગુરુ બનાવવા માટે સમન્વય સાથે આગળ વધવાની જરૂર છે.`

ભાગવતે વધુમાં કહ્યું કે, તેઓ માને છે કે સમગ્ર વિશ્વ એક પરિવાર છે. તેમણે કહ્યું કે, અમે એવા છીએ જે માને છે કે આખી દુનિયા અમારો પરિવાર છે. ચાલો આપણે આપણા વર્તનથી આ કરીએ. તેમણે કહ્યું કે વિશ્વમાં ગુણોનો વિકાસ કેવી રીતે થાય છે, દરેકને આ સમજવાની જરૂર છે.

તેમણે ભાષાની વિવિધતા હોવા છતાં પણ એકતા, પૂજા, જાતિ, સાથે રહેવું શીખવ્યું, જે દરેકને પોતાના માને છે,તે કોઈને પરદેશી માનતો નથી, જે આપણને માનતો નથી, જે તેને માનતો નથી તેને પણ પરદેશી નથી માનતો, આ આપણો ધર્મ છે. તે લોકોને કેવી રીતે જીવવું તે શીખવે છે. ખોવાયેલ વ્યવહારુ સંતુલન પાછું લાવે છે.