૭૯ વર્ષના કરોડપતિ બિઝેનસમૅન પત્નીની શોધમાં છે, વારસના બદલામાં જીવનસાથીને મળશે ૫૦ રૂમનો આલીશાન બંગલો

આલીશાન બંગલામાં આરામદાયક જીવન, સુરક્ષા અને શાહી ઠાઠવાળી જીવનશૈલી આપવા છતાં બૅન્જામિનભાઈને મનગમતી સુંદર યુવતી નથી મળી રહી

બૅન્જામિન બ્રિટનની ઘણી જાણીતી હસ્તી છે

બ્રિટનમાં ૭૯ વર્ષના સર બૅન્જામિન સ્લેડ નામના કરોડપતિ બિઝનેસમૅન પોતાના માટે પત્નીની તલાશમાં છે, એક એવી સુંદર અને જુવાન પત્ની જે તેમના વંશને આગળ વધારી શકે એમ હોય. એના બદલામાં બિઝનેસમૅને પોતાની સંપત્તિ અને આલીશાન બંગલામાં લક્ઝુરિયસ લાઇફ આપવાની રજૂઆત કરી છે. બૅન્જામિન સ્લેડનું કહેવું છે કે શરૂઆતમાં તેમને લાગતું હતું કે આ શોધ બહુ આસાન છે, પણ એટલું સરળ નથી. આલીશાન બંગલામાં આરામદાયક જીવન, સુરક્ષા અને શાહી ઠાઠવાળી જીવનશૈલી આપવા છતાં બૅન્જામિનભાઈને મનગમતી સુંદર યુવતી નથી મળી રહી. બૅન્જામિન બ્રિટનની ઘણી જાણીતી હસ્તી છે. આ પહેલાં પણ તેઓ અંગત જિંદગીને લઈને ચર્ચામાં રહ્યા છે. હવે ૭૯ વર્ષ પૂરાં થવાં આવ્યા છે ત્યારે તેમને લાગે છે કે વંશને આગળ વધારવા માટે વારસ હોવો જરૂરી છે. જોકે એ માટે તે સુંદર અને યુવાન મહિલા સાથે લગ્ન કરીને પોતાની સંપત્તિ સોંપવા માગે છે. તેમનો બંગલો બ્રિટનના સૌથી સુંદર ઐતિહાસિક ઘરોમાંનો એક છે. એમાં રૉયલ ઠાઠ અનુભવાય એવી પૌરાણિક વાસ્તુકલા અને વિશાળ બગીચા પણ છે.