11 June, 2026 02:50 PM IST | Agra | Gujarati Mid-day Correspondent
ફાયરમૅને કૉક્રૉચની જેમ સજીધજીને રોડ પર કર્યો વિરોધ
ઉત્તર પ્રદેશના આગરામાં ફાયર સર્વિસ ડિપાર્ટમેન્ટમાંથી બરખાસ્ત કરવામાં આવેલા જિતેન્દ્ર રાઠોડ નામના એક ફાયરમૅને પોતાની સાથે અન્યાય થયો છે એ વાત પહોંચાડવા માટે કૉક્રૉચનો વેશ ધારણ કર્યો હતો. તેના પર બે વર્ષ પહેલાં એક છોકરીએ જાતીય સતામણી કરવાનો આરોપ મૂક્યો હતો. આ આરોપસર તેને નોકરીમાંથી કાઢી મૂકવામાં આવ્યો હતો. જિતેન્દ્રએ તાજેતરમાં કહ્યું હતું કે બે વર્ષથી હું કોર્ટના ધક્કા ખાઉં છું અને મારા પરના આરોપો જૂઠા છે એ સાબિત કરવા મથું છું પણ કોઈ સાંભળતું જ નથી.
આખરે લોકોનું ધ્યાન ખેંચવા માટે તે સોમવારે રોડ પર કૉક્રૉચની જેમ સજ્જ થયો હતો અને ચાર પગે ચાલીને કોર્ટ પરિસરમાં પહોંચ્યો હતો.
