રેલવે-ફાટક પર બાઇકનો ઍક્સિડન્ટ થયો, ટ્રેનની અડફેટે ચડી જતાં ચાલકનું મૃત્યુ

ગ્રેટર નોએડામાં રવિવારે સાંજે બોડાકી ફાટક પાસે એક અકલ્પનીય હાદસો થયો.

વાયરલ વીડિયોમાંથી સ્ક્રીન શૉટ

ગ્રેટર નોએડામાં રવિવારે સાંજે બોડાકી ફાટક પાસે એક અકલ્પનીય હાદસો થયો. ફાટક ખુલ્લો જ હતો એ વખતે એક બાઇકસવાર ઝટપટ ત્યાંથી પસાર થઈ જવાની ઉતાવળે સ્પીડમાં જવા ગયો તો પાટા સાથે ભટકાઈને તે બાઇક પરથી પડી ગયો હતો. એ ઍક્સિડન્ટમાં તેને ખાસ વાગ્યું નહોતું. જોકે ત્યાંથી ઊભા થઈને બાઇકને સાઇડમાં લઈ જવા ગયો એ દરમ્યાન ફુલ સ્પીડમાં ટ્રેન આવી જતાં યુવક અડફેટે ચડી ગયો હતો. પહેલાં ટ્રેને બાઇકને ટક્કર મારી અને પછી યુવકને એટલી જોરથી ટક્કર મારી કે યુવકનું ઘટનાસ્થળે જ મૃત્યુ થઈ ગયું હતું. ફાટક પાસેના CCTV કૅમેરામાં ઘટનાનું ફુટેજ કેદ થઈ ગયું હતું.