૧ લાખ રૂપિયાથી ઓછી કિંમતના સ્કૂટર પર ૧૦ લાખ રૂપિયાનાં ૯૬ ચલાન

ગુરુગ્રામમાં રૂટીન ચેકિંગ દરમિયાન પોલીસે 96 પેન્ડિંગ ચલાન ધરાવતું સ્કૂટર જપ્ત કર્યું. એક લાખથી ઓછી કિંમતના સ્કૂટર પર લગભગ 10 લાખ રૂપિયાનો દંડ બાકી હોવાનું સામે આવ્યું.

૧ લાખ રૂપિયાથી ઓછી કિંમતના સ્કૂટર પર ૧૦ લાખ રૂપિયાનાં ૯૬ ચલાન

ગુરુગ્રામ ટ્રાફિક પોલીસે એક એવું સ્કૂટર જપ્ત કર્યું છે જેની મૂળ કિંમત ૧ લાખ રૂપિયાથી પણ ઓછી છે, પરંતુ એના પર ૯૬ ચલાન પેન્ડિંગ છે. આ માટે સ્કૂટરમાલિકે લગભગ ૧૦ લાખ રૂપિયાનો દંડ ભરવો પડે એમ છે. ટ્રાફિક પોલીસની ટીમે મંગળવારે રૂટીન તપાસ દરમ્યાન આ ટૂ-વ્હીલર જપ્ત કર્યું હતું. સ્કૂટરમાલિક પાસે આ વાહનના ડૉક્યુમેન્ટ્સ પણ નહોતા. તપાસ કરતાં ખબર પડી હતી આ વાહન પર ૯૬ ચલાન છે. એમાંથી ૧ ચલાન ઈ-ચલાન મશીન દ્વારા અને બાકીનાં ૯૫ ચલાન કૅમેરા આધારિત મશીન દ્વારા જનરેટ થયાં છે. મોટા ભાગનાં ચલાનમાં હેલ્મેટ વિના વાહન ચલાવવું, વીમો ન હોવો, પૉલ્યુશન અન્ડર કન્ટ્રોલ (PUC) સર્ટિફિકેટ ન હોવું જેવાં ઉલ્લંઘનો નોંધાયાં છે.