19 July, 2026 12:53 PM IST | હૈદરાબાદ | Gujarati Mid-day Correspondent
ફુટબૉલ વર્લ્ડ કપ થીમની કાર ફરતી જોવા મળી હૈદરાબાદમાં
અતરંગી આકારોમાં કાર બનાવવા માટે જાણીતા હૈદરાબાદના કાર-ડિઝાઇનર સુધાકર યાદવે ફુટબૉલ વર્લ્ડ કપની ફાઇનલ પહેલાં ગઈ કાલે તેમના કાર મ્યુઝિયમમાં વિશ્વકપની થીમવાળી એક નવી સૉકર બૉલ કાર લૉન્ચ કરી હતી. સુધાકરે ફુટબૉલના આકારમાં કાર બનાવી હતી. આ કારને તેમણે કૅનેડાનું રાષ્ટ્રીય પ્રતીક ગણાતા મેપલનાં પત્તાં અને ફુટબૉલ વર્લ્ડ કપના લોગોથી સજાવી છે. ગઈ કાલે તેઓ હૈદરાબાદના બહાદુરપુર ક્રૉસ રોડ પાસે આવેલા તેમના સુધા કાર મ્યુઝિયમની બહાર આ કાર લઈને ફરતા જોવા મળ્યા હતા.
