હરિયાણવી યોગશિક્ષકની કમાલ : એક જ શ્વાસમાં પાણીની અંદર ૮૬ પુશ-અપ્સ સતત મારીને બનાવ્યો ગિનેસ વર્લ્ડ રેકૉર્ડ

આ અકલ્પનીય રેકૉર્ડ બનાવવા માટે તેમણે સ્વિમિંગ-પૂલના તળિયે જઈને એક પણ વાર શ્વાસ લીધા વિના સતત પુશ-અપ્સ કર્યા હતા. આ સિદ્ધિ માત્ર શારીરિક ક્ષમતાની જ નહીં, શ્વાસ પરના અદ્ભુત નિયંત્રણ-પ્રાણાયામ અને ભારે એકાગ્રતાની પરીક્ષા હતી.

હરિયાણવી યોગશિક્ષકની કમાલ

ભારતની શારીરિક તાકાત અને યોગાભ્યાસનો ડંકો ફરી એક વાર વિશ્વભરમાં વાગ્યો છે. હરિયાણાના મૂળ વતની અને હાલ વિયેટનામમાં રહેતા ૩૮ વર્ષના યોગશિક્ષક કમલ કલોઈએ પાણીની અંદર શ્વાસ રોકીને સતત ૮૬ જેટલા પુશ-અપ્સ મારીને ગિનેસ વર્લ્ડ રેકૉર્ડ પોતાના નામે કરી લીધો છે. 
આ અકલ્પનીય રેકૉર્ડ બનાવવા માટે તેમણે સ્વિમિંગ-પૂલના તળિયે જઈને એક પણ વાર શ્વાસ લીધા વિના સતત પુશ-અપ્સ કર્યા હતા. આ સિદ્ધિ માત્ર શારીરિક ક્ષમતાની જ નહીં, શ્વાસ પરના અદ્ભુત નિયંત્રણ-પ્રાણાયામ અને ભારે એકાગ્રતાની પરીક્ષા હતી. આ રેકૉર્ડ બનાવવા માટે કમલ કલોઈએ લગભગ બે વર્ષ સુધી સખત મહેનત કરી હતી અને તાલીમ લીધી હતી.
ખાસ વાત એ છે કે કમલ કલોઈ માટે ગિનેસ બુકમાં નામ નોંધાવવું કોઈ નવી વાત નથી. આ પહેલાં ૨૦૨૦માં તેઓ પાણીની અંદર ૪ મિનિટ સુધી શ્વાસ રોકીને સતત ૨૧ યોગાસનો કરવાનો તથા પાણીની અંદર ૭૨ ઍરરિંગ્સ એટલે કે હવાનાં ચક્ર બનાવવાનો વર્લ્ડ રેકૉર્ડ પણ પોતાના નામે કરી ચૂક્યા છે.