હવે લેગોના બ્લૉક્સથી બનેલું શર્ટ પણ આવી ગયું

એને કારણે શર્ટ લેગોમાંથી બન્યું હોવા છતાં સરળતાથી વળી શકે એવું છે અને શરીર પર આરામથી પહેરી શકાય એમ છે. 

લેગોના બ્લૉક્સથી બનેલું શર્ટ

લેગો બ્રિક એ માત્ર બાળકોનું રમકડું નથી રહ્યું. મોટી ઉંમરના લેગોપ્રેમીઓએ આ ટચૂકડી બ્રિક્સમાંથી મસમોટી કૃતિઓ બનાવીને રેકૉર્ડ્સ બનાવ્યા છે. જોકે આર્થર સી નામના એક લેગો-ક્રીએટરે આ પહેલાં કદી ન બન્યું હોય એવી ચીજ બનાવી છે. એ છે લેગોનું ટી-શર્ટ. અને હા, એ પહેરી શકાય એવું પણ છે. લેગોની બ્રિક્સ તો પ્લાસ્ટિકના હાર્ડ મટીરિયલની બનેલી હોય છે એટલે શર્ટ બનાવવામાં આવે એ પણ એકદમ કડક જ હોય. પરંતુ આર્થરભાઈએ ક્રીએટિવિટી વાપરી છે. તેમણે લેગોની બ્રિક્સને જોડવા માટે એવી મેટલની ચેઇન રિંગનો ઉપયોગ કર્યો છે કે એક પણ બ્રિક એમાંથી છૂટે નહીં અને એ મેટલની ચેઇન જાળી જેવી હોવાથી ફ્લેક્સિબલ પણ રહે. એને કારણે શર્ટ લેગોમાંથી બન્યું હોવા છતાં સરળતાથી વળી શકે એવું છે અને શરીર પર આરામથી પહેરી શકાય એમ છે.