ઇરાકી સંસદસભ્યના ઘરમાંથી મળ્યાં સોનાનાં અન્ડરગાર્મેન્ટ્સ

ઇરાકી સંસદસભ્ય આલિયા નાસિફના ઘરે છાપામારીમાં ૧.૫૫ કરોડ ડૉલર રોકડા અને સોનાનાં ઘરેણાં સાથે કીમતી સામાન મળી આવ્યો હતો

આ લૉન્જરી-સેટની તસવીરો સોશ્યલ મીડિયા પર વાઇરલ થઈ છે

ઇરાકમાં ભ્રષ્ટાચાર સામે સ્થાનિક જનતાનો વિરોધ વધી રહ્યો હોવાથી સરકારે ભ્રષ્ટાચાર સામે કડક કાર્યવાહી હાથ ધરી છે. આ કાર્યવાહી અંતર્ગત અનેક નેતાઓના ઘરમાંથી ચલણી નોટો, લક્ઝરી સામાન અને સોનાના દાગીના મળી રહ્યા છે. જોકે એક સંસદસભ્યના ઘરે દરોડો પાડતાં જે મળ્યું એ ચોંકાવનારું છે. ઇરાકી સંસદસભ્ય આલિયા નાસિફના ઘરે છાપામારીમાં ૧.૫૫ કરોડ ડૉલર રોકડા અને સોનાનાં ઘરેણાં સાથે કીમતી સામાન મળી આવ્યો હતો. આ સામાનમાં પીળા રંગનો લૉન્જરી-સેટ પણ હતો. એની તપાસ કરતાં એ સોનાનો જ બનાવવામાં આવ્યો હોવાનું જાણવા મળ્યું હતું. સોનાની બ્રેસિયર અને થૉન્ગ જેવી પૅન્ટી સોનાના બારીક નકશીકામ દ્વારા ઘડવામાં આવી હતી અને એને એક અત્યંત મોંઘા અને સજાવેલા જ્વેલરી-બૉક્સમાં રાખવામાં આવી હતી. આ લૉન્જરી-સેટની તસવીરો સોશ્યલ મીડિયા પર વાઇરલ થઈ છે.