ઑફિસ-ચૅરની રેસ

આ રેસમાં એક રેસ ટ્રૅક હોય છે જેના પર સ્પર્ધકોએ પોતાની કમ્ફર્ટેબલ રિવૉલ્વિંગ ચૅર પર બેસીને એને પગેથી ધક્કા આપીને ભગાવવાની છે

જપાન ઑફિસ-ચૅર રેસિંગ

ફૉર્મ્યુલા વન રેસની લોકપ્રિયતા વધ્યા પછી જપાનમાં એક ખાસ જોરા એટલે કે જપાન ઑફિસ-ચૅર રેસિંગ અસોસિએશનની સ્થાપના થઈ હતી. આ સંસ્થા ૨૦૦૯ની સાલથી દર વર્ષે ઑફિસમાં વપરાતી ગરગડીવાળી રિવૉલ્વિંગ ચૅર પર રેસ કરવાનું આયોજન કરે છે. આ રેસમાં એક રેસ ટ્રૅક હોય છે જેના પર સ્પર્ધકોએ પોતાની કમ્ફર્ટેબલ રિવૉલ્વિંગ ચૅર પર બેસીને એને પગેથી ધક્કા આપીને ભગાવવાની છે. લગભગ બે કલાક સુધી આ રેસ ચાલે છે. રેસ ટ્રૅક પર જેણે સૌથી વધુ ચક્કર લગાવ્યાં હોય તે વ્યક્તિ વિજેતા જાહેર થાય છે. હવે જપાનનાં ૨૦ શહેરોમાં આવી ચૅર રેસ થાય છે.