IPS ઑફિસરે લગ્ન માટે જાન લઈને જતાં પહેલાં માનું દૂધ પીધું

રાજસ્થાનમાં આજકાલ ઉત્તર પ્રદેશ કૅડરના બે IPS અધિકારીઓનાં લગ્ન ચર્ચામાં છે.

IPS ઑફિસરે જૂની સ્તનપાનની પરંપરાને અનુસરી હતી. એવું કહેવાય છે કે આ રસમથી દીકરો માના દૂધનો ઋણસ્વીકાર કરે છે

રાજસ્થાનમાં આજકાલ ઉત્તર પ્રદેશ કૅડરના બે IPS અધિકારીઓનાં લગ્ન ચર્ચામાં છે. સંભલના IPS ઑફિસર કૃષ્ણ કુમાર બિશ્નોઈ અને બરેલીની SP અંશિકા વર્માનાં લગ્નની કેટલીક તસવીરો વાઇરલ થઈ છે. એમાં ઑફિસર દુલ્હાના વેશમાં સજ્જ થઈને બારાત લઈને નીકળતાં પહેલાં માનું સ્તનપાન કરે છે. એ પછી મા તેને આશીર્વાદ આપીને લગ્ન માટે વિદાય કરે છે. રાજસ્થાનમાં દુલ્હાની સ્તનપાનની પ્રક્રિયા ‘દૂધ પિલાઈ’ અથવા ‘આંચલ પીના’ રસમ કહેવાય છે. બિશ્નોઈ સમાજમાં આ સદીઓથી ચાલતી પૌરાણિક પરંપરા છે. આ પરંપરામાં દુલ્હો લગ્ન માટે સજ્જ થઈને જ્યારે બારાત માટે પ્રસ્થાન કરતો હોય ત્યારે તે પહેલાં માતા પાસે આવે છે અને માતા તેને પ્રતીકાત્મક રીતે સ્તનપાન કરાવે છે. એ દરમ્યાન માતા દીકરાના માથે હાથ ફેરવીને ગૃહસ્થ જીવનમાં પ્રવેશ કરવા માટે આશીર્વાદ આપે છે અને યાદ દેવડાવે છે કે દૂધનું કરજ ભૂલતો નહીં. હવે કેટલાક લોકો આ પરંપરા માટે થાળીમાં દૂધ કાઢીને દીકરાને પીવા આપે છે, પરંતુ IPS ઑફિસરે જૂની સ્તનપાનની પરંપરાને અનુસરી હતી. એવું કહેવાય છે કે આ રસમથી દીકરો માના દૂધનો ઋણસ્વીકાર કરે છે.