૭૫ લાખ રૂપિયાની વ્હિસ્કીની બૉટલ જોવા ભીડ ઊમટી, દુકાનદારે ગાર્ડ ગોઠવવા પડ્યા

ગુરુગ્રામની એક વાઇન શોપમાં સ્કોટલેન્ડથી આયાત કરાયેલી દુર્લભ પ્રીમિયમ વ્હિસ્કીની બોટલ લોકો માટે આકર્ષણનું કેન્દ્ર બની છે. લોકો ખરીદવા કરતાં તેની સાથે સેલ્ફી લેવા વધુ પહોંચી રહ્યા હોવાથી દુકાનદારે બોટલની સુરક્ષા માટે બે ગાર્ડ પણ તહેનાત કર્યા છે.

૭૫ લાખ રૂપિયાની વ્હિસ્કીની બૉટલ જોવા ભીડ ઊમટી, દુકાનદારે ગાર્ડ ગોઠવવા પડ્યા

હરિયાણાના ગુરુગ્રામમાં એક વ્હિસ્કીની બૉટલ જોવા માટે લોકોની ભીડ ઊમટી રહી છે. એનું કારણ એ દારૂનો સ્વાદ નહીં પણ એની કિંમત છે. આ વ્હિસ્કીની બૉટલ સ્કૉટલૅન્ડથી ઇમ્પોર્ટ કરવામાં આવી છે. ગુરુગ્રામની એક વાઇન શૉપમાં એને કાચની પેટીમાં સજાવીને લોકોને જોવા માટે મૂકવામાં આવી છે. રૅર અને પ્રીમિયમ કલેક્શનના શોખીનો માટે આ આલ્કોહોલ મગાવ્યો છે. જોકે લોકો ખરીદવા નહીં, એ બૉટલ સાથે સેલ્ફી લેવા આવતા હોવાથી દુકાનદારે એની સંભાળ માટે બે ગાર્ડ તહેનાત કરવા પડ્યા છે.