25 September, 2021 04:32 PM IST | Karnataka | Gujarati Mid-day Correspondent
સિદ્ધારમૈયા
કર્ણાટક વિધાનસભામાં બે દિવસ પહેલાં રમૂજી બનાવ બની ગયો હતો. રાજ્યના ભૂતપૂર્વ મુખ્ય પ્રધાન અને વિપક્ષી નેતા કૉન્ગ્રેસના સિદ્ધારમૈયા ગૃહમાં એક ડિબેટમાં ભાગ લઈ રહ્યા હતા અને પોતાનાં મંતવ્યો જણાવી રહ્યા હતા ત્યારે તેમનું ધોતિયું નીકળી ગયું હતું. તેમને તો ખબર નહોતી પડી, પણ સાથી વિધાનસભ્ય ડી. કે. શિવકુમારે તેમની નજીક જઈને તેમના કાનમાં ધોતિયું નીકળી રહ્યું હોવાના ‘ન્યુઝ’ આપ્યા ત્યારે સિદ્ધારમૈયાએ ‘એવું છે!’ કહીને તરત વાંકા વળીને ધોતિયું સરખું કરવાની શરૂઆત કરી હતી અને પોતે ધોતિયું બરાબર પહેરી લે ત્યાર પછી ડિબેટ ફરી શરૂ કરશે એવી જાહેરાત પણ કરી દીધી. તેઓ ધોતિયું કસીને બાંધતાં બોલ્યા, ‘કોવિડની બીમારીમાંથી સાજા થયા બાદ મારું વજન ૪-૫ કિલો વધી ગયું છે અને મારું પેટ થોડું વધી ગયું છે એટલે ધોતી સરખી બંધાયેલી રહેતી નથી.’
એ વખેતે ગૃહમાં રમૂજ ફેલાઈ ગઈ હતી. સિદ્ધારમૈયાની આ ડિબેટ એક ગૅન્ગ-રેપ કેસમાં મૈસૂરની પોલીસનો જે અભિગમ રહ્યો છે એના પર થઈ રહી હતી.