IPL 2025ના મેગા ઑક્શન પહેલાં અર્જુન તેન્ડુલકરે મચાવી ખલબલી

અર્જુન તેન્ડુલકર

ગોવાએ ગઈ કાલે રણજી ટ્રોફીની મૅચના પહેલા દિવસે અરુણાચલ પ્રદેશની ટીમને ૮૪ રનમાં ઑલઆઉટ કરીને બે વિકેટે ૪૧૪ રનનો સ્કોર બનાવ્યો છે. ૩૩૦ રનની લીડ ધરાવનાર ગોવાની ટીમના ફાસ્ટ બોલર અર્જુન તેન્ડુલકરે આ મૅચમાં ૯ ઓવરમાંથી ત્રણ મેઇડન ફેંકીને પચીસ રન આપીને પાંચ વિકેટ ઝડપી છે. સચિન તેન્ડુલકરના દીકરાએ રણજી ટ્રોફીમાં પહેલી વાર પાંચ વિકેટ લીધી છે. IPL 2023માં મુંબઈ ઇન્ડિયન્સ માટે ડેબ્યુ કરનાર અર્જુન તેન્ડુલકરે આ પ્રદર્શનથી IPL 2025ના મેગા ઑક્શનનાં બે અઠવાડિયાં પહેલાં તમામ ટીમનું ધ્યાન ખેંચ્યું હતું.