અર્શદીપ સિંહે લાગલાગટ ત્રીજી સીઝનમાં ૫૦૦+ રન આપી દીધા

IPL 2026માં પંજાબ કિંગ્સનો ફાસ્ટ બોલર અર્શદીપ સિંહ સાથી-ક્રિકેટર્સની મજાક ઉડાડવા બદલ, ગર્લફ્રેન્ડની બૅગ ઉઠાવીને ટ્રાવેલ કરવા સહિત ખરાબ ફીલ્ડિંગને કારણે ચર્ચામાં રહ્યો છે.

અર્શદીપ સિંહ

IPL 2026માં પંજાબ કિંગ્સનો ફાસ્ટ બોલર અર્શદીપ સિંહ સાથી-ક્રિકેટર્સની મજાક ઉડાડવા બદલ, ગર્લફ્રેન્ડની બૅગ ઉઠાવીને ટ્રાવેલ કરવા સહિત ખરાબ ફીલ્ડિંગને કારણે ચર્ચામાં રહ્યો છે. શનિવારે લખનઉ સામે વિકેટલેસ રહીને બાવન રન આપનાર અર્શદીપ સિંહ પંજાબ તરફથી ટુર્નામેન્ટમાં સૌથી વધુ ૭ મૅચમાં ૫૦+ રન આપનાર ખેલાડી બન્યો છે.

૨૭ વર્ષના અર્શદીપ સિંહે સૌથી વધુ ત્રણ IPL સીઝનમાં ૫૦૦+ રન આપવાનો અનિચ્છનીય રેકૉર્ડ પણ કર્યો છે. ૨૦૨૩ બાદ તેણે સતત ત્રીજી સીઝનમાં ૫૦૦થી વધુ રન આપ્યા છે. ૨૦૨૪ની ૧૪ મૅચમાં તેણે ૫૦૫ રન આપીને ૧૯ વિકેટ, ૨૦૨૫માં ૧૭ મૅચમાં ૫૧૮ રન આપીને ૨૧ વિકેટ અને ૨૦૨૬ની ૧૪ મૅચમાં ૫૪૧ રન આપીને તેણે ૧૪ વિકેટ લીધી હતી. અગાઉ યુઝવેન્દ્ર ચહલ, રાશિદ ખાન અને મોહમ્મદ સિરાજ બે-બે સીઝનમાં ૫૦૦ પ્લસ રન આપી ચૂક્યા છે.