16 July, 2026 10:28 AM IST | Wales | Gujarati Mid-day Correspondent
અક્ષર પટેલ
ઇંગ્લૅન્ડ સામેની પહેલી વન-ડે મૅચમાં અક્ષર પટેલ ૪ વિકેટ લેવાની સાથે અણનમ ૫૧ રન કરીને પ્લેયર ઑફ ધ મૅચ બન્યો હતો. ભારત માટે એક વન-ડે મૅચમાં ફિફ્ટી પ્લસ સ્કોર કરવાની સાથે ૪ કે એથી વધુ વિકેટ લેનાર અક્ષર પટેલ છઠ્ઠો ભારતીય બન્યો હતો.
અક્ષર પટેલે છેલ્લી ૧૦ ઓવરમાં આ ૪ વિકેટ લીધી હતી.
રોહિત શર્મા, જસપ્રીત બુમરાહ અને કુલદીપ યાદવ બાદ અક્ષર પટેલ ચોથો ભારતીય બન્યો છે જેણે ઇંગ્લૅન્ડ સામે ત્રણેય ફૉર્મેટમાં પ્લેયર ઑફ ધ મૅચ અવૉર્ડ જીત્યો હોય. વન-ડે ઑલરાઉન્ડર્સના રૅન્કિંગમાં અક્ષર પટેલ હવે અગિયારમા પરથી નવમા ક્રમે પહોંચી ગયો છે. વન-ડે ઑલરાઉન્ડર્સની ટૉપ-ટેન રૅન્કિંગમાં સામેલ થનાર હાલમાં અક્ષર પટેલ એકમાત્ર ભારતીય છે.
