T20 વર્લ્ડ કપ દરમ્યાન ઇન્ડિયા-A ટીમ ઇંગ્લૅન્ડમાં વાઇટ-બૉલ સિરીઝ રમશે

વન-ડેમાં હરલીન દેઓલ અને T20માં અનુષ્કા શર્મા કૅપ્ટન્સી કરશે

હરલીન દેઓલ

૧૨ જૂનથી પાંચમી જુલાઈ વચ્ચે ઇંગ્લૅન્ડ ઍન્ડ વેલ્સમાં ભારત સહિત ૧૨ ટીમ વચ્ચે વિમેન્સ T20 વર્લ્ડ કપ રમાશે. એ દરમ્યાન ૨૦ જૂનથી ૪ જુલાઈ વચ્ચે ઇન્ડિયા-A ટીમ ઇંગ્લૅન્ડમાં ત્રણ T20 અને વન-ડેની સિરીઝ રમશે. વન-ડેમાં હરલીન દેઓલ અને T20માં અનુષ્કા શર્મા ભારતનું નેતૃત્વ કરશે.

વિમેન્સ ઇંગ્લૅન્ડ-A સામે ૨૦, ૨૩ અને ૨૫ જૂને T20 અને ૨૮ જૂન, ૧ જુલાઈ અને ૪ જુલાઈએ વન-ડે મૅચ રમાશે. ઇંગ્લૅન્ડમાં આયોજિત વર્લ્ડ કપની ૧૫ સભ્યોની ભારતીય સ્ક્વૉડમાં સ્થાન ન મેળવી શકનાર ખેલાડીઓ આ વાઇટ-બૉલ સિરીઝમાં જોવા મળશે. વન-ડેમાં પ્રતીકા રાવલ અને T20માં વૃંદા દિનેશ વાઇસ-કૅપ્ટનની ભૂમિકા ભજવશે.

ઇન્ડિયા-A T20 સ્ક્વૉડ : અનુષ્કા શર્મા (કૅપ્ટન), વૃંદા દિનેશ (વાઇસ-કૅપ્ટન), જી. કમલિની, ઉમા છેત્રી, વૈષ્ણવી શર્મા, પ્રેમા રાવત, પૂર્વજા વેર્લેકર, જિન્તીમણિ કલિતા, સાઇમા ઠાકોર, સિમરન બહાદુર, શ્વેત સહરાવત, દિયા યાદવ, મીનુ મણિ, શબનમ શકીલ, તનુજા કંવર.

ઇન્ડિયા-A વન-ડે સ્ક્વૉડ : હરલીન દેઓલ (કૅપ્ટન), પ્રતીકા રાવલ (વાઇસ-કૅપ્ટન), પ્રિયા પુનિયા, તનીષા સિંહ, જી. કમલિની, ઉમા છેત્રી, તેજલ હસબ્રિસ, નિકી પ્રસાદ, પ્રેમા રાવત, તનુજા કંવર, વૈષ્ણવી શર્મા, શબનમ શકીલ, સાયલી સાતઘરે, જિન્તીમણિ કલિતા, સાઇમા ઠાકોર.