21 July, 2026 10:47 AM IST | Kolkata | Gujarati Mid-day Correspondent
ક્રિકેટર અભિષેક પોરેલ
દિલ્હી કૅપિટલ્સનો ૨૩ વર્ષનો વિકેટકીપર-બૅટર અભિષેક પોરેલ મોટી મુશ્કેલીમાં ફસાયો છે. કલકત્તા હાઈ કોર્ટે મેડિકલ વિદ્યાર્થિની પર કથિત બળાત્કાર અને બ્લૅકમેઇલ કરવાના સંદર્ભમાં અભિષેક પોરેલ સહિત બે લોકોની તાત્કાલિક ધરપકડ કરવાનો આદેશ આપ્યો છે.
ખાનગી ફોટોનો ઉપયોગ કરીને બ્લૅકમેઇલિંગ થતું હોવાથી કોર્ટે બન્નેનાં તમામ ઇલેક્ટ્રૉનિક ઉપકરણો જપ્ત કરવાનો નિર્દેશ આપ્યો છે. ફોટો શૅર થતા અટકાવવા માટે ઉપકરણોની રિકવરી જરૂરી છે.
સુનાવણી દરમ્યાન ફરાર આરોપી વતી કોઈ વકીલ હાજર રહ્યા ન હતા. પોલીસે કોર્ટને જાણ કરી હતી કે આરોપીઓને શોધવા અને ધરપકડ કરવા માટે પ્રયાસો ચાલુ છે. હાઈ કોર્ટે તપાસ-અધિકારીઓને આ કેસમાં કરેલી કાર્યવાહીનો વિગતવાર સ્ટેટસ-રિપોર્ટ ૧૧ ઑગસ્ટ સુધીમાં દાખલ કરવાનો નિર્દેશ આપ્યો છે. કેસની આગામી સુનાવણી તે જ દિવસે થશે.
